Luganuno luli ku Yehowa umpanga.
146
1 Aleluya! Ee mutima wane, ganuna Yehowa. 2 Naganune Yehowa nkungu zinkili na kalamo,
Nimbile Kalaga wane lwimbo nkungu zinkili na kalamo.
3 Tamulemanine mitonge,
Aba muntu unsania utanavwama kukasia.
4 Nkungu zikutuka muuza wage, akusubya ku bilongo,
Kutukila busi bubo makengelo mage nti mazimina.
5 Mbogimbogi ku muntu ukukasibwa na Kalaga wa Yakobo,
Wozo ukulemanina Yehowa, Kalaga wage,
6 Wabumbile meigulu nu kisi,
Kitatenge nu binsania bili mukyo;
Akulanga bulili aaba ku milyalya.
7 Akusubizia babo bakubengwa bulili bwabo,
Akukasa beli na nzala idia;
Yehowa akukandula babo bakandilwe.
8 Yehowa akukandula meiso ma byuku.
Yehowa akuzanzula babo bakumbama;
Yehowa akutunda bantu basililila.
9 Yehowa akulanga bageni,
Akukunga nkubi nu misigala,
Tondo akuzimizia nzila za bateisanana.
10 Yehowa angate ku milyalya,
Ee Sayuni, Kalaga wobe ku kibuti na kibuti.
Ganunazi Yehowa!