Masego ma uli na tubebe.
142
1 Lwimbo lwa Davidi. Gaabezaga mu kalimba. Isego. N'iyuki lyane nalile ku Yehowa,
N'iyuki lyane nkusega ku Yehowa.
2 Nkumutenda kusongela kwane kunsania,
Namulolesia kabebe kane.
3 Nkungu zinatambile mutima, wamenyine nzila zane;
Nzila zinkwenda muzo bantegede itega.
4 Lola ku kuboko kwane kwa seidume nu kumenya
Buno takuli muntu wampa unizi;
Nsili lingo n'itinino, aba muntu wa kundanga.
5 Ububo nalilile kuguli, ee Yehowa,
Nu natendile bunee: “Uli itinino lyane;
Bupieni bwane mu kisi kya bantu beli na kalamo.”
6 Ungwilila idilo lyane, kubuno nasigulizibwa nunse;
Nnonie na babo bakundemba, kubuno beli na magala kuntinga.
7 Ntikye mu kikando, buno niganune izina lyobe.
Bantu beisanana bantimbe,
Kubuno wankwilide kyombo.