Kusega bulangi bwa Yehowa.
141
1 Lwimbo lwa Davidi. Ee Yehowa, nkukulilila, vwa kundi lubilo!
Ungwilila iyuki lyane nkungu zinkukumana.
2 Masego mane mabe anga muuki wa aliga lwabusio lwobe.
Kusakikwa kwa maboko mane kube anga kayulo ka mwigolo.
3 Ee Yehowa, ube mulangi wa kanua kane,
Langa milomo zane.
4 Ntusindike mutima wane ku bubi bunsania,
Nsitabizie kukita bitondo bya bwagi
Gamozi na bantu bakukita bwagi,
Aba nsilie ku idia lyabo isoga.
5 Muntu wisanana ansusule, nu bwabe busoga;
Nu we anzugile, nu bwabe anga mwambo ku itoe lyane;
Ntuzige itoe lyane kusomba bubo,
Kubuno nsisila kusega ku misako zabo mibi.
6 Ngatu zabo zagusibwa ga lwanda,
Nu bamenye buno moki mane meli masoga.
7 Anga bukubangwa nsi nkungu za kulima,
U bubo makwa meitu mabalanganibwa bwigi na nsinda.
8 Ee Yehowa, Mwiya Bwangato Bunsania, meiso mane makulola kuguli,
Nkutinina kuguli, ntusige mutima wane bulia.
9 Ndange na matega mabantegede,
Nu makila ma bantu babi.
10 Bantu babi bakatwe mu makila mabo bobenyene,
Nkungu zinasogonyoka mumo na bubobelelo.