Kuganuna ku miganogano za Kalaga.
98
1 Lwimbo Imbilazi Yehowa lwimbo luto!
Kubuno akitile makitilo makuganiagania;
Akindile na kuboko kwage kwa seidume,
U kuboko kwage kwasililila.
2 Yehowa alolesizie lonio lwage,
Alolesizie kwisanana kwage bwasibwasi ku baBilongo.
3 Akengede kyombo kyage nu kwisanana kwage ku numba za Israeli.
Ntungo insania za kisi zamonine lonio lwa Kalaga weitu.
4 Kisi kinsania, mube na kyelele ku Yehowa.
Lalukazi nu kwimba na mbogimbogi.
5 Imbilazi Yehowa na kindanda kya nti ikumi,
Na kindanda kya nti ikumi nu iyuki lya bindanda,
6 Na monze nu iyuki lya kalumbete,
Mube na kyelele lwabusio lwa Yehowa Mwangati.
7 Kitatenge kibile nu binsania bili mukyo,
Kisi kinsania nu bansania bakwikalaga mukyo.
8 Nuuzi zibile nu bimpumi byazo,
Miduko zinage nu kuba na mbogimbogi.
9 Lwabusio lwa Yehowa kubuno avwa kwangata kisi,
Angate kisi ku kwisanana,
Nu baBilongo ku kwisanana!