Ganunazi Yehowa Wisanana nu Wasililila.
99
1 Yehowa angata! BaBilongo bansania bagilimine, Eikala gantata ga makerubi! Kisi kitengetenge.
2 Yehowa eli munene mu Sayuni,
Nu We asakama kutinga baBilongo bansania.
3 Basime izina lyobe inene nu lya kwangamia!
We asililila.
4 Kwisanana kuli magala ma mukota ukutunda bwisanana,
Wimikile kwisanana;
Watulide Yakobo na kwisanana nu bulili.
5 Ganunazi Yehowa, Kalaga weitu,
Kumbaminazi kunsi kwa kisumbi kya magulu mage;
Eli wasililila.
6 Musa nu Haruni babezaga munkatini mwa basankoga bage,
Nu Samweli abezaga munkatini mwa
Babo basegaga mu izina lyage;
Gabamanine Yehowa, abakwide.
7 Atendile kubeli mu iyango lya kimpa;
Balangile bulongeki bwage nu milembe zaabakasile.
8 Ee Yehowa, Kalaga weitu, wabakwide;
Wabezaga Kalaga wa kubasigilila bwagi,
Tondo wasungagia mibi zabo.
9 Ganunazi Yehowa, Kalaga weitu,
Nu kumbaminazi ku mwiduko wage wasililila;
Kubuno Yehowa, Kalaga weitu asililila.