Lwimbo lwa kuganuna.
96
1 Imbilazi Yehowa lwimbo luto! Imbilazi Yehowa, kisi kinsania.
2 Imbilazi Yehowa! Ganunazi izina lyage!
Lolesiazi lonio lwage busi na busi.
3 Sambalazi lutanuno lwage munkatini mwa baBilongo,
Nu milimo zage za miganogano munkatini mwa bantu.
4 Kubuno Yehowa eli munene, nu kuganunwa nunse,
Atunganana kukubwa boba kutinga tulaga tunsania.
5 Kubuno tulaga tunsania twa bantu tuli nkisi,
Tondo Yehowa abumbile meigulu.
6 Lwanzo nu lutanuno bili lwabusio lwage,
Magala nu busoga bili ga kiziki kyage kyasililila.
7 Kasazi Yehowa, beinyuwe bikanga bya bantu,
Kasazi Yehowa lutanuno nu magala.
8 Kasazi Yehowa lutanuno lwakuka izina lyage,
Vwazi na nkaso, nu ingilazi mu milungu zage.
9 Kumbaminazi Yehowa mu busoga bwitila bwa kusililila kwage;
Giliminazi lwabusio lwage, kisi kinsania.
10 Tendazi ku baBilongo bunee: “Yehowa angata.”
Eimikile kisi buno takitengetenge,
Nu atulile bantu milondo zabo ku kwisanana.
11 Meigulu mabogeboge nu kisi kibe na kyelele,
Kitatenge kibile nu binsania bili mukyo.
12 Isoa libe na kyelele nu binsania bili mulyo,
Nu miti insania za lubanda
Zabogeboge lwabusio lwa Yehowa,
13 Kubuno avwa, avwa kwatulila kisi ku kwisanana,
Nu angate kisi ku kwisanana,
Nu bantu ku bulili bwage.