Kukumbamina Yehowa.
95
1 Vwazi, twimbile Yehowa. Tumubogelebogele wozo uli lwanda lwa lonio lweitu.
2 Tuvwe lwabusio lwage nu kumusima,
Tumubogelebogele na nimbo.
3 Kubuno Yehowa eli Kalaga munene.
Nu Mwangati munene gantata ga tulaga tunsania.
4 Mpinga insania za kisi zili mu kuboko kwage,
Aba nu ntonga za miduko zili zage.
5 Kitatenge kili kyage, kyakitilwe nage;
Nu maboko mage makitile kisi kyakama.
6 Vwazi tumuganune nu kumukumbamina;
Tukome mazu lwabusio lwa Yehowa watubumbile.
7 Kubuno We eli Kalaga weitu,
Nu iswe tuli bantu bakulisibwa nage,
Nu mikoko zikulangwa na kuboko kwage.
Lelo ndi mungwa ku iyuki lyage bunee:
8 “Tamulimbanie mitima zeinyu anga ku Meriba,
Anga ku busi bwa Masa mu kalula,
9 Gandindikile basoinyuwe nu kungeleka,
Nu bamonine ku makitilo mane.
10 Myaka makumi manazi nongilwe na kibuti kikyo,
Nu natendile bunee: ‘Bakuaga bindi binsania,
Nu tabamenyine nzila zane.’
11 Ububo nalumbide mu bongoa bwane,
Tabakabasa ku kyumuno kyane.”