Masego ma kwimikwa lingo kwa baIsraeli.
85
1 Ku kalongo kanene. Lwimbo lwa bana ba Kora. Yehowa, watundile kisi kyobe;
Wasubizie lingo bakandwa ba Yakobo.
2 Wasigilide bubi bwa bantu bobe,
Wakukide bwagi bwabo bunsania. Right' Kengela bubo.
3 Watikizye bongoa bwobe bunsania;
Wasigile bukali bwa bongoa bwobe.
4 Tusubye, ee Kalaga wa lonio lweitu,
Sila bongoa buguli nabo kutuli.
5 Ndi watongelwe bindi binsania?
Ndi bongoa bwobe bwizizie aaba ku kibuti na kibuti?
6 Ndi ntwatukase magala lingo?
Buno bantu bobe babogeboge muguli?
7 Ee Yehowa, tulolesie kyombo kyobe,
Nu tukase lonio lwobe.
8 Nungwilile byatende Kalaga Yehowa,
Kubuno asambalile bantu bage nu basililila bage bubobelelo;
Tondo tabasubye lingo ku bukongolo.
9 Lebelebe lonio lwage luli bwigi na bakumwanza;
Lutanuno lwage lwikale mu kisi kyeitu.
10 Kyombo nu bulili byakulumana;
Kwisanana nu bubobelelo byakumbatilana.
11 Bulili bwamoneke mu kisi,
Nu kwisanana kwagele kutuka kwigulu.
12 Ububo, Yehowa akasane bili bisoga,
Nu kisi kyasie mbuto zakyo.
13 Kwisanana kwasondelezie lwabusio lwage,
Nu masomoneno mage matwatile nzila.