Mponga zili mu numba za Kalaga.
84
1 Ku kalongo kanene. Lwimbo lwa bana ba Kora. Ee Yehowa, Mwiya Mayombo, numba zobe zili nsoga nunse!
2 Mutima wane guli na mpusia nunse
Nu kulekana na mpipi za kwingila ku milungu za Yehowa,
Mutima wane nu mubili wane bikulilila Kalaga uli mulami.
3 Aba tuzoni twamona bizumba,
Nu kantamba kamona kiziki kya kubikila bana bage,
Aba tusenga twobe, ee Yehowa, Mwiya Mayombo,
Mwangati wane nu Kalaga wane.
4 Mbogimbogi ku babo bakwikalaga mu numba zobe,
Bakukuganuna bindi binsania. Right' Kengela bubo.
5 Mbogimbogi ku muntu uli na magala mu Yehowa
Ku wozo wakokomezia mutima wage kwenda mu nzila za ku ikumbamino lyobe
6 Nkungu zibakutinga mu mpinga zakama,
Bakuzikita kiziki kya tunuabalongo.
Ububo mbula ntangi zabike mponga.
7 Gabakwendelela, magala makwitila,
Na muntu kubeli amoneke lwabusio lwa Kalaga kuko ku Sayuni.
8 Ee Kalaga Yehowa, Mwiya Mayombo, ungwilila masego mane;
Ee Kalaga wa Yakobo, ungwilila. Right' Kengela bubo.
9 Ee Kalaga, lola ngabo zeitu;
Nu lola malanga ma mubongibwa wobe.
10 Kubuno kindi kimozi mu milungu zobe
Kyatinga bindi kanunu kamozi mu bingo biziki,
Nasombole nunse kwikala ga mwingilo wa numba za
Kalaga wane kutinga kwikala mu numba za bantu babi.
11 Kubuno Kalaga Yehowa eli musi nu ngabo.
Yehowa atukase mponga nu lutanuno;
Ntwime babo bakutabanga ku kwisanana kikyo kisoga.
12 Ee Yehowa, Mwiya Mayombo,
Mbogimbogi ku wozo muntu ukukukatizia.