Kulila ku kabamba ka kusambuka kwa Yerusalema.
79
1 Lwimbo lwa Asafu. Ee Kalaga, baBilongo beli mu bwiyani bwobe,
U babo babigia ikumbamino lyobe lyasililila;
Babika Yerusalema kuba mala.
2 Basiga bitumba bya bakiti bobe kulibwa
Na tuzoni twa mu mpelela,
Nu mibili za basililila bobe kulibwa
Na nyama za mu lubanda.
3 Bakubula mikila zabo anga mazi
Ku ndenge insania za Yerusalema;
Aba takwabezaga muntu wa kubayika.
4 Tuseli na nsoni ku beida beitu,
Kusekwa nu kwililikwa na bansania batutimba.
5 Ee Yehowa, aaba nu nkungu nkizi ziwatongelwe?
Nu lugi lwobe kubanga anga keiya?
6 Kubula lusungio lwobe ku bilongo bitakukumenya,
Nu ku makota matakwanza izina lyobe.
7 Kubuno bazikya kikanga kya Yakobo,
Nu kubigia biziki byage.
8 Ntutukengelele bwagi bwa batateiswe;
Kyombo kyobe kivwe kutulanga lubilo,
Kubuno twasigulizibwa nunse.
9 Ee Kalaga wa lonio lweitu, tukasie ku lutanuno lw'izina lyobe;
Tonie nu kusuga bwagi bweitu ku kabamba k'izina lyobe.
10 Kubuni bunatenda baBilongo bunee: “Kuni kuli Kalaga wabo?”
Kusuba mikila zakubukile za bakiti bobe
Kumenywe na baBilongo beli lwabusio lweitu.
11 Idilo lya bakandwa libase lwabusio lwobe;
Na magala mobe langa babo bakandilwe kikando kya lukuo.
12 Ee Mukota, subizia mambizi mutubakamo ku mutima wabo
Bilingano bya kulingile bantu batutimba.
13 Nu beiswe bantu bobe, u mikoko zobe,
Twakusime ku milyalya,
Twalolesie bunene bwobe ku kibuti na kibuti.