Kwikokomezia ku masego
77
1 Ku kalongo kanene. Yedutuni. Lwimbo lwa Asafu. Nalalukile ku Kalaga iyuki lyane;
Nalilide Kalaga, nu We anungule.
2 Nalondile Mukota busi bwa kabebe kane;
Nalambizie kuboko kwane mu kindi aaba takwakutilwe;
Nsyazigile kubobelezibwa.
3 Nakengede Kalaga, tondo nangamine;
Nakukengede nu mutima wane wakindilwe. Right' Kengela bubo.
4 Wakata bitulu byane buno nsiyombeke tulo;
Naganagana nu nsikumenya kutenda.
5 Nakengede bindi bya wakalazi,
Nu myaka za nkiko za wakalazi.
6 Mu kindi nkukengela lwimbo lwane,
Nkukengela mu mutima wane ukukulonda bunee:
7 “Ndi Mukota atwise ku milyalya?
Aba ntatukwile kyombo lingo?
8 Kyombo kyage kyasila nunsania?
Idagano lyage lyasila ku kibuti na kibuti?
9 Ndi Kalaga eibilila kutukwila kyombo?
Ku kabamba ka bongoa ndi akanda kyombo kyage?” Right' Kengela bubo.
10 Natendile buno kakano u kabebe kane,
Tondo nakengele myaka za kuboko kwa seidume kwa Wozo Wasakama Nunse.
11 Nakengele misako za Yehowa,
Lebelebe nakengele migeleko zobe za wakalazi.
12 Nakengele lingo milimo zobe insania,
Nu kusambala misako zobe.
13 Ee Kalaga, nzila zobe zili mu kiziki kyasililila.
Nazi uli kalaga kanene anga Kalaga weitu?
14 Uwe uli Kalaga ukukita miganogano;
Walolesizie bantu magala mobe.
15 Wonezie bantu bobe na kuboko kwobe,
Bana ba Yakobo nu Yosefu. Right' Kengela bubo.
16 Ee Kalaga, mazi makumonineko,
Mazi makule boba gamakumonineko;
Nu maziba nu mo matengiletengile.
17 Igulu lyakubwide mazi,
Mbula zakuluminne kwigulu.
Nu misungu zobe za mikenzi zendile bulazi.
18 Iyuki lya nkuba lyabezaga munkatini mwa bimpumi,
Mikenzi zasanizie kisi;
Kisi kyagiliminne nu kutengatenga.
19 Nzila zobe zatingile mu kitatenge,
Wabezaga na nzila nkeke mu mazi meingi,
Aba masomoneno mobe tamamonekile.
20 Wasondelezizie bantu bobe anga mikoko,
Ku kuboko kwa Musa nu kwa Haruni.