Kuganuna Kalaga
76
1 Ku kalongo kanene. Gamozi na bindanda bya misinge. Lwimbo lwa Asafu. BaYuda bamenyine Kalaga;
Izina lyage lili inene ku baIsraeli.
2 Numba zage za hema zili ku Salemu,
Nu kiziki kyage mu Sayuni.
3 Gago akekile misungu za bunta,
Ngabo, nu myene za nganda, nu binsania bya bita byindi byindi. Kengela.
4 Uwe uli na lutanuno nu magala kutinga mwiduko wa banyagi.
5 Beiya mitima mibibu banyagilwe bya bita byabo,
Batambile nu beiyombekile tulo,
Mapuka mansania makolobokile maboko.
6 Ku kuzuga kwobe, ee Kalaga wa Yakobo,
Bendaga na tuyanga nu farasi bakatilwe na tulo.
7 Uwe ukwitagia boba,
Nazi unemana lwabusio lwobe gokongoa?
8 Wasambede makakizio mobe kutuka kwigulu,
Kisi kyakule boba nu kwikala kibibi,
9 Nkungu zemanine Kalaga kusungia
Nu konia bansania bola beli mu kisi. Right' Kengela bubo.
10 Lebelebe bongoa bwa bantu bukukuganuna;
Nu mpusi za bongoa wikandezo anga mwambalo.
11 Lumbilazi nu kubizindilizia ku Yehowa, Kalaga weinyu.
Bansania bamutimba, kasanazi nkaso ku Wozo watunganana kukubwa boba.
12 Eite bakota,
Nu kwitia bakota ba kisi boba.