Mponga za Kalaga
65
1 Ku kalongo kanene. Lwimbo lwa Davidi. Ee Kalaga, ukwikalaga mu Sayuni, watunganana kuganunwa,
Kuguli kwazindilile bilumbilo binsania.
2 Ee uwe ukungwaga masego,
Bantu bansania bavwe kuguli.
3 Bubi bwankinda,
Nu watwengie ku bwagi bweitu bunsania.
4 Mbogimbogi ku muntu wozo u wasombwede,
Nu kumwikazia bwigi nobe.
Nu twikute na mbogimbogi za numba zobe,
Kiziki kyasililila kya numba zobe z'ikumbamino.
5 Ku bitondo bibibu watwakule na kwisanana,
Ee Kalaga wa lonio lweitu.
Uwe uli kilemanizio kya bansania beli kuzinda kwa kisi,
Nu bansania beli bulazi mu kitatenge.
6 Abikile miduko na magala mage,
Zakandilwe na bwangato bwage.
7 Ukubobelezia kubila kwa kitatenge nu kubila kwa bimpumi byakyo,
Nu kazege ka bwingi bwa bantu.
8 Nu babo bakwikalaga bulazi nunse bakukua boba ku tulolesio twobe.
Wizazie mbogimbogi kunsi nu kuntata.
9 Ukutabanga mu kisi nu wakizazia,
Ukukizazizia iguma,
Luuzi lwa Kalaga lwiyede mazi,
Ukubakasa mbuto nkungu ziukununia kisi.
10 Wanusizie matuta mage,
Walembanizie bitulu byage,
Wabibotezie na mbula,
Wanagizie mbuto.
11 Ukutukasa mponga nnene ku mwaka,
Nu masomoneno mobe makutukasa matubulo masoga.
12 Bisasa bya kalula byanunibwa,
Nu miduko zikubogaboga.
13 Masoa ma kulisia mikoko meiyala,
Bibitabita byavwalikibwa na matubulo.
Bikulaluka na mbogimbogi nu bikwimba