Ganunazi Yehowa.
66
1 Ku kalongo kanene. Lwimbo. Inyuwe bantu bansania, lalukazi na mbogimbogi ku Kalaga;
2 Imbazi lutanuno lw'izina lyage;
Muganune lutanuno lwage.
3 Tendazi Kalaga bunee: “Milimo zobe zili za kwangamia!
Ku kabamba ka bwangato bwobe bunene, beiti bobe beisigulizie kunsi kwobe.
4 Kisi kinsania kikukumbamina,
Nu bakwimbile;
Beimbe ku izina lyobe.” Right' Kengela bubo.
5 Vwazi mulole milimo za Kalaga;
Bitondo byage ku bantu bikuganiagania.
6 Agalukizye kitatenge kuba mutandi,
Basokile luuzi na magulu;
Gago twabogilebogile mweli.
7 Ku magala mage angata ku milyalya,
Meiso mage makulola baBilongo,
Buno basombi tabeisakike. Right' Kengela bubo.
8 Ganunazi Kalaga weitu, beinyuwe bantu,
Nu iyuki lya kumuganuna lyungubwe.
9 Akulanga kalamo keitu,
Aba ntasige magulu meitu kuselemuka.
10 Kubuno, uwe Kalaga, watulindikile;
Watulindikile anga bukulindikwa feza.
11 Watwingizizie mu bukila;
Wabikile muzigo weitu ga migongo zeitu.
12 Wabakamizie bantu gantata ga matoe meitu;
Twatingile mu keiya nu mu mazi,
Tondo watulusizie ga kiziki kya bugumi.
13 Ningile mu numba zobe na bisansa bya kugisibwa;
Nazindilizie bilumbilo byane kuguli,
14 Binatendile na kanua kane nkungu zinabezaga na kabebe.
15 Nakukase bisansa bya kugisibwa bya bituganwa byanona,
Gamozi na manona ma bilimba bya mikoko,
Nu nakukase balume ba ngombe nu bilimba bya mpene. Right' Kengela bubo.
16 Vwazi mungwilile, beinyuwe bansania bakukua Kalaga boba,
Nu nasambale bwakitide mutima wane.
17 Nalilile kweli na kanua kane,
Nu aganwinwe na lulami lwane.
18 Ndi nalanga bubi mu mutima wane,
Mukota wane ntanannungwilila.
19 Lebelebe Kalaga annungwilide,
Ongwilide iyuki lya masego mane.
20 Kalaga aganunwe,
Kubuno ntananine masego mane,
Aba kuntikya mponga zage.