Kusega lonio lwa Kalaga mu matega ma beiti.
64
1 Ku kalongo kanene. Lwimbo lwa Davidi. Ee Kalaga, ungwilila kulila kwane,
Langa kalamo kane na babo beiti.
2 Ndange ku nango za bantu babi,
Nu ku kazege ka bakukita bubi.
3 Beli na ndami nkali anga mwene wa nganda,
Nu bakutenda bitondo bikali anga misungu.
4 Buno basumite baswagibwa mu lumbisombiso,
Bakumusumita kitangalabesi geteli kukua boba.
5 Bakwikokomezia ku bubi,
Bakukala lwango lwa kutega matega,
Nu bakutenda bunee: “Nazi wamone ku matega meitu?”
6 Bakukengela bubi kankanka, bakutenda bunee: “Twasila kubalonda.”
Makengelo ma munda nu ma mutima wa muntu na muntu meli na mbiso za bitondo.
7 Tondo Kalaga abalase na musungu,
Nu kitangalabesi basumitwe.
8 Lulami lwabo lwababigia
Nu bansania babamonage ko batengie matoe.
9 Nu bantu bansania bakue boba;
Nu basambale byakitile Kalaga,
Nu kumenya milimo zage.
10 Muntu wisanana abogelebogele Yehowa nu kumulemanina,
Nu bansania beli na mutima wisanana babe na kyelele.