Lemanina Kalaga.
62
1 Ku kalongo kanene. Yedutuni. Lwimbo lwa Davidi. Bulili, nkulemanina Kalaga tugu na bubobelelo mu mutima wane;
Lonio lwane lukutuka kweli.
2 We tugu eli lwanda lwane nu lonio lwane,
We eli itinino lyane; nsyatengetenge.
3 Aaba nu mu nkungu nkizi zimwayukile muntu?
Inyuwe bansania, buno mumwite
Wono uli anga kitutu kyagusibwa,
Anga mukolo wagoe?
4 Bakukala lwango lwa kumugusia ku kiziki kyage,
Nu bakubogaboga na kutenda buza,
Bakutenda bya mponga ku kanua,
Tondo ku mitima zabo bakuswilila. Right' Kengela bubo.
5 Nkulemanina Kalaga tugu mu bubobelelo,
Kubuno kilemanizio kyane kili mweli.
6 We tugu eli lwanda lwane nu lonio lwane,
We eli itinino lyane; nsyatengetenge.
7 Mu Kalaga u muli lonio lwane nu lutanuno lwane;
Lwanda lwane lwa magala nu itinino lyane lili mu Kalaga.
8 Beinyuwe bantu, lemaninazi Kalaga bindi binsania;
Mutendazi binsania bya mitima zeinyu,
Kubuno Kalaga eli itinino lyeitu. Right' Kengela bubo.
9 Bantu beli anga muuki, ee, bantu tabeli kena.
Bansania balindikwe ga kilindiko kya Kalaga,
Tondo tababe kampa.
10 Tamukengele kunyaga,
Aba tamwikake ku bunyagi.
Ndi bikulo bikwitalikila, tamubilemanine.
11 Kalaga atendile limbizi limozi,
Nu nungule iyuki lilino mambizi mabili
Buno magala meli ma Kalaga.
12 Ee Mukota, uli mwiya mponga,
Kubuno ukuliga muntu na muntu anga buli mulimo wage