Kusegela mukota.
61
1 Ku kalongo kanene. Ku bindanda bya misinge. Lwimbo lwa Davidi. Ee Kalaga, ungwilila idilo lyane;
Nu kungwilila masego mane
2 Kutukila kuzinda kwa kisi nakulilile nkungu zikutamba mutima wane.
Nsondelezie ku ikozi lyasakama bubibu kunsinikila.
3 Kubuno uli itinino lyane,
Mukolo wa magala wa kundanga na mwiti wane.
4 Nikale ga lusu lwobe bindi binsania;
Natine mu mbiso za byupi byobe. Right' Kengela bubo.
5 Ee Kalaga, kubuno wungule bilumbilo byane,
Wankasile bupieni bwa babo bakwanza izina lyobe.
6 Watalikile bindi bya mwangati,
Myaka zage zabe za kibuti na kibuti.
7 Eikale lwabusio lwobe bindi binsania;
Kulumizia busoga nu bulili buno bimulange.
8 Ku bubo nimbile izina lyobe bindi binsania,
Buno nizindilizie bilumbilo byane busi na busi.