Masego ma wakindwa ku bita.
60
1 Ku kalongo kanene. Isego ligisizie Davidi, gaakitile bita na Aram-naharaim nu Aram-Zobah nkungu zasubizie Yoabu mu kwita baEdomu tununu ikumi nu tubili (12.000) mu Kibitabita kya Munkange. Ee Kalaga, watulekede nu kutugusia,
Wongilwe, tusubye lingo.
2 Watengezietengezie kisi; wakyatile.
Kulumizia biziki byakyo byasambukile, kubuno bikusogonsa.
3 Walolesizie bantu bobe bitondo bibibu,
Watunusizie mazi ma biguma ma kutwitia na katimbo.
4 Wakasile babo bakukwanza ibendela,
Buno lisakikwe ku kabamba ka bulili. Right' Kengela bubo.
5 Utonie nu utukasie na kuboko kwobe kwa seidume, utungwilile,
Buno batundwa bobe bonibwe.
6 Kalaga atendile mu kusililila kwage bunee: “Nakinde.
Nu kubegania Sekemu, nu kulindika mpinga za Sukoti.
7 Kisi kya Gileadi kili kyane, nu Manase,
Efuraimu eli nkumbu za kulanga itoe lyane,
Nu Yuda eli musumbo wa bukota.
8 Moabu eli kibungulu kyane kya kogela,
Nalekele Edomu kisalapata kyane
Filistia, lalukazi na mbogimbogi ku kabamba kane.”
9 Nazi wansondelezie ku mwino wa mukolo wa magala?
Nazi wansondelezie aaba ku Edomu?
10 Ee Kalaga, ndi ta uwe u watulekede?
Ee Kalaga, ndi ta uwe utendile gamozi na mayombo meitu?
11 Tukasie ku kabamba ka mwiti weitu,
Kubuno bukasia bwa muntu buli buliabulia.
12 Ku bukasia bwa Kalaga twakite na magala;
Kubuno akinde beiti beitu.