Davidi akusega konibwa mu matega ma beiti bage.
59
1 Ku kalongo kanene. “Ntubigie.” Isego lya Davidi, nkungu zasingile Saulo bantu kulanga numba buno bamwite. Ee Kalaga wane, nnonie na beiti bane;
Nsakike gantata ga babo bemana lwabusio lwane.
2 Nnonie na bantu babi,
Nu ndange na beiti babano.
3 Ee Yehowa, kubuno bakulonda kalamo kane,
Beiya magala bankundamanina, ta ku kabamba ka bwagi aba bubi bwane.
4 Bavwa lubilo kwibika kayikayika ta ku bubi bwane.
Vwa, undole nu kunkasia!
5 Uwe Kalaga Yehowa, Mwiya Mayombo, Kalaga wa Israeli,
Emanuka usungie baBilongo bansania;
Ntube na kyombo ku umozi wa babo babi. Right' Kengela bubo.
6 Bakusubya mwigolo, nu bakulilalila anga mboa,
Nu bakutimbatimba mwino.
7 Lola, bakuswilila na tunua twabo,
Myene mikali zili ku milomo zabo.
Kubuno bakukengela takuli ukungwa.
8 Tondo uwe Yehowa, wabaseke;
Wanyege babo baBilongo bansania.
9 Ee Magala mane, nakulindile,
Kubuno Kalaga eli itinino lyane.
10 Kalaga wane ukunkwila kyombo ende lwabusio lwane,
Kalaga ankindile babo beiti bane.
11 Ntubeite, buno bantu bane banavwa kwibilila.
Babalanganie tugu ku magala mobe, nu kubagusia,
Ee Mukota, ngabo zeitu.
12 Na kitondo na kitondo kikutuka mu tunua twabo kili bwagi;
Bakatwe mu bitondo bya lwikotio lwabo bobenyene,
Ku kabamba ka kuswilila nu buza bubakutenda.
13 Bongoa bwobe bubazikye; bazikye buno takusigale wampa,
Bantu bamenye buno Kalaga angata mu Yakobo,
Aaba nu kuzinda kwa kisi kinsania. Right' Kengela bubo.
14 Nu basubye mwigolo, bakulaluka anga mboa,
Nu kutimbatimba mwino.
15 Batimbetimbe ku kulonda idia,
Nu bakuguma anga mboa ndi tabeikuta.
16 Tondo nimbe magala mobe,
Ee, nindunindu nimbe kyombo kyobe n'iyuki inene,
Kubuno uwe uli magala mane,
Nu itinino lyane mu bindi bya kabebe.
17 Uwe magala mane, nakwimbile na kyelele;
Kubuno Kalaga eli mukolo wane, Kalaga ukunkwila kyombo.