Masego ma konibwa na matega ma beiti bobe.
57
1 Ku kalongo kanene. “Ntubigie.” Isego lya Davidi, gaatinaga mu kalimba gamuyangaga Saulo. Ee Kalaga, nkwile kyombo, nkwile kyombo;
Kubuno nakulemanina,
Natinine mu kilimelime kya byupi byobe
Aaba nu gasile bubi bubuno.
2 Nalile ku Kalaga Wasakama nunse,
Ku Kalaga ukunkitilaga busoga bunsania.
3 Ansingile lonio kutuka mwigulu,
Nkungu zikunzugila mwiti wane. Right' Kengela bubo.
Kalaga asinge kyombo nu bulili bwage.
4 Nkulama munkatini mwa bimbwe,
Nkwiyombeka munkatini mwa bantu ba bongoa bukali.
Meinyo mabo meli anga masumo nu misungu,
Nu ndami zabo anga myene mikali.
5 Ee Kalaga, uganunwe mwigulu,
Lutanuno lwobe lube mu kisi kinsania.
6 Bategile bukila buno magulu mane makatwe mubo,
Mutima wane wakumbaminne mu kabebe,
Bombile muzinga lwabusio lwane;
Tondo bobenyene u bakolokile mugo. Right' Kengela bubo.
7 Ee Kalaga, mutima wane walindibwa, mutima wane walindibwa.
Lebelebe nimbe nu kukuganuna.
8 Yuka, mutima wane, yuka kindanda nu nzenze,
Nu nimwimbile mu mukelo.
9 Ee Mukota, nakuganune munkatini mwa bantu,
Nakwimbile munkatini mwa baBilongo.
10 Kubuno lutundo lwobe lwakuka aaba kwigulu,
Nu bulili bwobe mu bimpa.
11 Ee Kalaga, uganunwe mwigulu,
Lutanuno lwobe lube mu kisi kinsania.