Bubobelelo mu tubebe.
56
1 Ku kalongo kanene. “Na bikuzuma anga moki ma nkulimba ku kisi kya bulazi.” Isego lya Davidi gamukatile baFilistini ku Gati. Ee Kalaga, nkwile kyombo, kubuno bantu babi bakulonda kunita,
Musi unsania bakunita na kabebe nu kumvwila na bita.
2 Beiti bane bakulonda kunita musi unsania,
Kubuno beli beingi babo bakutunda kwitana na nne na lwikotio.
3 Nkungu zinkukua boba, nakulemanine.
4 Mu Kalaga, naganune idagi lyage.
Nalemanine Kalaga, nsyakue boba,
Muntu ankite kikizi?
5 Musi unsania bakugalukya bitondo byane,
Makengelo mabo mansania makunkengelela bubi.
6 Bakundamana nu kwibisa,
Bakulola masomoneno mane,
Nu bakulindila kunita.
7 Ndi bakukengela konibwa ku bubi?
Ee Kalaga, zikya bantu babo ku bongoa bwobe.
8 Waganzile masomoneno ma kutimbatimba kwane.
Bika bisozi byane mu kituma kyobe.
Ndi tabyasanzilwe mu kigondi kya mukanda wobe?
9 Ganalile kuguli, beiti bane basubye.
Nizi kitondo kikino kubuno Kalaga eli ku lulenge lwane.
10 Mu Kalaga naganune idagi lyage,
Mu Yehowa naganune idagi lyage.
11 Nalemanine Kalaga, nsyakue boba,
Bantu bankite kikizi?
12 Ee Kalaga, natunganana kukita bilumbilo binakulumbide,
Nakukase nkaso za kukuganuna.
13 Kubuno wanonezie ku lukuo,
Uwe u walangile magulu mane buno tamagoe,
Buno nitabange lwabusio lwa Kalaga, mu kyengi kya babo bakulama.