Idilo lya wakundwa na beiti.
55
1 Ee Kalaga, ungwilila masego mane, Aba ntwibise nkungu z'idilo lyane.
2 Nnungwilile nu nnakule,
Nsikumunwa mu bitondo byane nu mu kutonga kwane.
3 Ku kabamba k'iyuki lya mwiti wane,
Ku kabamba ka kabebe kakundusizia bantu babi;
Kubuno bakwegamizia bubi kundi,
Nu bakumbabazia na bukali bwabo.
4 Nili na kabebe mu mutima,
Nu nalimbwa na boba bwa lukuo.
5 Boba nu kugilimina byamvwila,
Nu nakindwa na masisi.
6 Nu natendile bunee: “Songo nili na byupi anga nkulimba!
Ninalengile bulazi nu kwenda kumunwa.
7 Ninendile bulazi.
Nineikede mu kalula. Right' Kengela bubo.
8 Ninatinine lubilo ga kiziki kya bubobelelo,
Kutina lumpumpu nu kisoa.”
9 Ee Mukota, lubikania mitendezi zabo,
Kubuno namona ku bukali nu misona mu wozo mwino.
10 Musi nu kindi bakutimba ga mikolo zago.
Bubi nu mbabazio bili munkatini mwago.
11 Mibi zili munkatini mwago.
Tubebe nu bwengelezi bili mu nzila zago.
12 Kubuno ta mwiti wane wandingile,
Songo bubo, nineikalide.
Aba ta musombi wane wisakikile kundi,
Songo bubo, nineibisile.
13 Tondo uwe wabezaga muntu munane,
Munane nu kilemba kyane kinamenyininne nunse.
14 Twakalile lwango lusoga gamozi,
Twendile ku numba za Kalaga gamozi ku musanganano.
15 Lukuo lubabasile kitangalabesi,
Bayikwe mu nsinda nkungu zibeikili na kalamo,
Kubuno bubi buli gamozi nabo nu munkatini mwabo.
16 Tondo nne nalile ku Kalaga,
Nu Yehowa anonie.
17 Mwigolo, nindunindu nu makuluka nasege nu kulila,
Nu Yehowa akungwa ku iyuki lyane.
18 Akulwide kalamo kane nu kukabika na bubobelelo kutuka ku bita,
Kubuno babezaga beingi babo batundaga kunita.
19 Kalaga, wozo ukwikala ku milyalya, abongwe nu kubeitia na kabebe.
Bantu batakugaluka, aba tabakukua Kalaga boba.
20 Alambizie maboko mage ku babo babezaga na bubobelelo nage,
Nu eitile idagano lyage.
21 Kitondo kya kanua kage kyabezaga kyabota anga manteka,
Tondo mutima wage wabezaga bita.
Moki mage mabezaga matamba anga makiti,
Tondo mabezaga anga myene zatukibwa mu musagi.
22 Bikila Yehowa muzigo wobe, nu We akulindie.
Ntasige muntu wisanana kutengatenga.
23 Ee Kalaga, tondo wabakumbye mu muzinga wa kubiga.
Bantu bakwita bango nu bengelezi tabazindilizie kyindi kya kalamo kabo,
Tondo nne nakulemanine.