Lukalilo lwa beiya bwagi.
52
1 Ku kalongo kanene. Lwimbo lwa Davidi, gavule Doegi ku Saulo kumutenda buno DAvidi abasile ku numba za Abimeleki. Uwe mwiya magala, kubuni ukwikaka ku bubi?
Kyombo kya Kalaga kili bindi binsania.
2 Lulami lwobe lukulongeka bwiti kankanka,
Nu anga kakengo kakali ukukita bwengelezi.
3 Ukutunda bubi kutinga busoga,
Nu ukutunda buza kutinga kutenda bulili. Right' Kengela bubo.
4 Ukutunda bitondo binsania bya kuzimizia bantu,
Ee uwe lulami lwa bwengelezi.
5 Ku bubo Kalaga akwite ku milyalya,
Akuzanzule nu kukutikya ku numba zobe,
Akuyule mu kisi kya beli na kalamo. Right' Kengela bubo.
6 Beisanana bamone nu bakue boba,
Bamuseke nu kutenda bunee:
7 “Lolazi wono u muntu utakubika Kalaga kuba kiziki kyage kyalanga kya magala,
Tondo alemaninne bwingi bwa bikulo byage.
Nu eikasile magala ku bubi bwage.”
8 Tondo nne nili anga muti mubisi wa mizeituni mu numba za Kalaga,
Nkulemanina kyombo kya Kalaga ku milyalya.
9 Nakuganune ku milyalya kubuno wabukita,
Nu nalemanine izina lyobe lwabusio lwa basililila bobe, kubuno lili isoga.