Kikongolo akutenda buno takuli Kalaga.
53
1 Ku kalongo kanene. Lwimbo lwa Davidi. Kikongolo akutenda mu mutima wage bunee: “Takuli Kalaga.”
Babo beli bazimizi, nu bakukita bubi nunsania,
Takuli ukukita busoga.
2 Kalaga akulola bantu bansania kutukila kwigulu,
Akulola ndi kuli muntu uli na menge,
Ukulonda Kalaga.
3 Bansania bagalukile kumbusa, bansania baziminne gamozi,
Takuli umozi ukukita busoga.
4 Bantu babi, ndi tabeli na menge?
Babo bakulia bantu bane anga bubakulia idia,
Aba tabakusega bukasia ku Kalaga.
5 Ububo bagiliminne nu kukua boba ga kiziki kitabezaga boba,
Kubuno Kalaga abalanganizie makwa ma babo basombi bobe,
Wabazangiazangia kubuno Kalaga abasombile.
6 Nazi walusizie Israeli lonio ku Sayuni?
Nkungu zasubye Kalaga bantu bage bakandilwe,
Yakobo abe na kyelele nu Israeli abogeboge.