Bikulo tabinakulula muntu.
49
1 Ku kalongo kanene. Lwimbo lwa bana ba Kora. BaBilongo bansania, ungwililazi bitondo bibino;
Bansania bakwikalaga mu kisi, ungwililazi.
2 Bakeke nu banene, bagumi nu bazambi bansania gamozi.
3 Kanua kane katende bitondo bya menge,
Nu makengelo ma mutima wane mabe ma bumenyinino.
4 Nakandule kutuzi kwane nungwilile misumo;
Nisule misumo zane zabiswa na nzenze.
5 Kubuni nakue boba ku busi bwa kabebe
Nkungu zinkutimbwa na bubi bwa beiti bane?
6 Bantu babo bakulemanina bikulo byabo,
Nu bakwikaka ku bunene bw'iguma lyabo.
7 Takuli umozi unavwama kukulula mubuto wage,
Aba kukasa Kalaga bikulo ku kabamba kage.
8 Kubuno bukuluzi bwa mitima zabo buli na bukunza bubibu.
Tabunakulungana aaba ku milyalya.
9 Buno alame bindi binsania geteli kubola.
10 Kubuno akumona bantu beli na menge bakukua,
Kikongolo nu kizanga bakukua bumozi,
Nu bikulo byabo bikusigala na bango bantu.
11 Makengelo ma mitima zabo meizi buno numba zabo zili za milyalya,
Nu biziki byabo bili ku kibuti na kibuti;
Masoa mabo makumanwa ku meina mabo.
12 Muntu aba akwanzwa nti ntalame milyalya,
Kubuno eli anga nyama zikuseswa.
13 Zeno u nzila zabo za bukongolo,
Aba bantu bakubayanga bakwitabizia bitondo byabo. Right' Kengela bubo.
14 Babikilwe buno bakue anga mikoko,
Nu lukuo lwabe mulangi wabo.
Bantu beisanana babe bangati babo.
Busoga bwabo bwabige, kiziki kyabo kyabe ku nsinda.
15 Tondo Kalaga akulule mutima wane ku nsinda,
Kubuno ansekele. Right' Kengela bubo.
16 Uwe ntuzangezange ku bugumi bwa ungo,
Aba ndi lutanuno lwa numba zage lwitila.
17 Kubuno nkungu zakue, nteke kampa,
Nu bukuti bwage tabwamuyange.
18 Aba abogagiabogagia mutima wage nkungu zabezaga na kalamo.
Bantu bakukuganuna gokwikitila busoga.
19 Akenda kwikala gamozi na kibuti ky'isi,
Nu tabakamona ku kyengi aaba ku milyalya.
20 Muntu ukwanzwa nu uteli na bumenyinino,
Eli anga nyama zikuzimina.