Busoga bwa Sayuni.
48
1 Lwimbo lwa bana ba Kora. Yehowa eli munene, nu atunganana kuganunwa nunse,
Munkatini mwa mwino wa Kalaga weitu, ku mwiduko wage wasililila.
2 Kusakama kwa go kuli kusoga nunse,
Guli mbogimbogi za kisi kinsania,
Mwiduko Sayuni, ku lulenge lwa kuntata,
Mwino wa Mwangati munene.
3 Kalaga eidolesizie mu numba zage nnene, nu eli kiziki kya kutinina.
4 Lola, bangati bakundamenne, batingile bansania gamozi.
5 Gabagumonineko bangamine, bazangilezangile nu batinine.
6 Kazanga kongo bagiliminne,
Babede na lubaba anga mukikulu nkungu za kubuta kwage,
7 Wabeitile anga nkungu za lumpumpu lukutukaga kukutukaga kisongo kya busi,
Lukwata maato ma Tarsisi.
8 Anga bubo butunguleko, ububo butwamonako
Mu mwino wa Yehowa mwiya mayombo, mwino wa Kalaga weitu,
Kalaga awimike na magala mage aaba ku milyalya. Right' Kengela bubo.
9 Ee Kalaga, twakengede busoga bwobe
Mu numba zobe za kukumbamina.
10 Ee Kalaga, anga buli izina lyobe,
U bubo bubakukuganuna aaba nu kuzinda kwa kisi.
Kuboko kwobe kwa seidume kwiyala na kwisanana.
11 Mwiduko wa Sayuni ukubogaboga, bakinga ba Yuda bakubogaboga na kyelele,
Ku kabamba ka nsungio zobe.
12 Timbazi Sayuni, timbazi Sayuni, ganzazi numba za byindo zili mo.
13 Lolazi mikolo zago busoga,
Kengelazi numba zago nnene,
Ububo bumukasambalila bibuti bikabutwa.
14 Kubuno Kalaga wono eli Kalaga weitu ku milyalya na milyalya.
Abe musondelezia weitu aaba nu ku lukuo