Kwelama Kalaga nu Kiziki kyage Kyasililila.
43
1 Nnisananizie, ee Kalaga, ndongekele ku kilongo kitakukwanza; Nnonie na muntu mwengelezi nu uteisanana.
2 Uwe, Kalaga wa kiziki kyane kyalanga kya magala, kubuni wansiga?
Kubuni nili na kabebe ku kabamba ka kubabazibwa na mwiti wane?
3 Sania kyengi kyobe nu bulili bwobe binsondelezie,
Bimbasie ku mwiduko wobe wasililila
Aaba nu ku kiziki kyobe.
4 Ububo nabakame ku kiziki kya kayulo ka Kalaga.
Ku Kalaga uli mbogimbogi zane nunse;
Nakuganune na nzenze, ee Kalaga, Kalaga wane.
5 Kubuni guli na kabebe, ee mutima wane?
Nu kubuni ukuzangazanga mundi?
Lemanina Kalaga kubuno namuganune,
Wozo uli lonio lwane nu Kalaga wane