Masego ma musambi wasombwa na beida bage.
41
1 Ku kalongo kanene. Lwimbo lwa Davidi. Mbogimbogi ku wozo ukukengela muzambi,
Yehowa amonie ku busi bwa kabebe.
2 Yehowa amulange nu kulanga kalamo kage nu akaswe mponga mu kisi,
Aba ntamukasane ku beiti bage buno bamukitile kutunda kwabo.
3 Yehowa amulange ga mugu mu nkungu za lusambo;
Nu kumusubya lingo kutuka ku nsambo zage.
4 Natendile bunee: “Ee Yehowa, nkwile kyombo;
Onia kalamo kane, kubuno nakwagide.”
5 Beiti bane bakuntendela bubi bunee:
“Busi bukizi bwakue nu izina lyage lizimine?”
6 Ndi umozi avwa kundola nti akutenda bitondo bya bwengelezi;
Mutima wage ukwikungikila bitondo bibi;
Nu nkungu zakubasa kumbuga akusambala binsania.
7 Nu bansania bansomba bakwizuzuma gamozi ku kabamba kane;
Bakunkengelela bubi kankanka.
8 Bakutenda bunee: “Akatwa na lusambo luteli na muti,
Nu asila kwiyombeka; ntazanzuke lingo.”
9 Aba kilemba kyane kya bwigi nunse kinalemaninne,
Nu u naliaga gamozi nage idia lyane,
Anzanzulila kasindilo.
10 Tondo Yehowa, nkwile kyombo nu nnemanukye lingo,
Buno nibasube.
11 Ku bubo namenye lebelebe buno wantunda,
Kubuno mwiti wane ntakunkinda lingo.
12 Ukundindia ku kabamba ka bukatizio bwane,
Nu wambike lwabusio lwa meiso mobe ku milyalya.
13 Aganunwe Yehowa, Kalaga wa Israeli,
Kutukila ku milyalya aaba nu ku milyalya, Amena nu Amena
MUKANDA W'IBILI WA NIMBO.