Masego mu nkungu za malindiko.
39
1 Ku kalongo kanene, Yedutuni, muLawi. Lwimbo lwa Davidi. Natendile bunee: “Naswagie nzila zane,
Nsyage na lulami lwane; Nakande kanua kane na kyindi kya kyuma.
Nkungu zikile muntu mubi lwabusio lwane.”
2 Nikede kibibi ku kabamba kage,
Nsyatendile aba kili kisoga.
Nu lubaba lwane lwitide nunse.
3 Mutima wane wanzuzile munda mwane,
Nkungu zinabezaga nkukengela, keiya kabangile;
Ububo natendile na lulami lwane bunee:
4 “Yehowa, ndolesie kuzinda kwane,
Nu maganzo ma bindi byane ndi bili buni,
Nimenye buni buli mutambo wane.
5 Wakitile bindi byane kuba bigi nu bikeke,
Kalamo kane takeli kampa lwabusio lwobe
Na muntu na muntu aba alinda na magala, nti eli muuza tugu.” Right' Kengela bubo.
6 Lebelebe muntu unsania akutinga anga kilimelime.
Nu akwidundula buliabulia,
Akukundamania bikulo aba nteizi nazi ukabitola.
7 Ee Mukota, kano kaluma nkulindila kikizi?
Kilemanizio kyane kili kuguli.
8 Nnonie ku bwagi bwane bunsania.
Ntumbike kisimbwa kya bikongolo.
9 Nikede kibibi geteli kutenda kampa,
Kubuno uwe u wakikitile.
10 Ntikizye mbabazio zobe,
Nkubabazibwa na kuboko kwobe.
11 Nkungu ziukusungia muntu nu kumuzugila ku bwagi bwage,
Wazimizie busoga bwage anga kagembe na kikyo kyakutunda.
Lebelebe muntu unsania eli muuza tugu. Right' Kengela bubo.
12 Ee Yehowa, ungwilila masego mane,
Nnungwilile nkungu zinkulila;
Ungwilila idilo lyane,
Kubuno nili anga mugeni lwabusio lwobe,
Nu mwendi anga batatane bansania.
13 Nsige nilonde lingo magala,
Lwabusio lwa kwenda kwane nu nsyabe ko lingo