Kalaga, Monia mu tubebe.
34
1 Lwimbo lwa Davidi. Geigalukizye kikongolo lwabusio lwa Abimeleki, amupumbizie, nu we endile. Nkungu insania naganune Yehowa,
Nganuno zage zabe mu kanua kane.
2 Mutima wane wikake mu Yehowa,
Bantu batamba bongwe nu babogeboge.
3 Ganunazi Yehowa gamozi na nne,
Nu tutanunazi izina lyage gamozi.
4 Nalondile Yehowa, nu anakwide,
Nu kunonia ku boba bwane bunsania.
5 Bamulolile nu bakasilwe kyengi,
Malanga mabo tamakue na nsoni ku milyalya.
6 Muzambi wono alilile, nu Yehowa amungwilide,
Amonezie ku mbabazio zage insania.
7 Mwanzelo wa Yehowa akutimba babo bakumwanza,
Nu akubonia.
8 Sondazi mumenye buno Yehowa eli musoga
Mbogimbogi ku muntu ukumulemanina.
9 Anzazi Yehowa, inyuwe basililila bage,
Kubuno bansania bakumwanza tabeide kampa.
10 Byana bya kimbwe bikwiyanina nu bikukua na nzala,
Tondo babo bakulonda Yehowa tabeide kinsania kili kisoga.
11 Inyuwe bana, vwazi, nu ungwililazi,
Namwigisie kwanza Yehowa.
12 Nazi muntu ukutunda kalamo,
Nu ukutunda bindi byingi buno amone busoga?
13 Azugile lulami lwage na kutenda bubi,
Nu milomo zage na kutenda bwengelezi.
14 Siga bubi, nu kita busoga,
Londa bubobelelo nu kubuyanga.
15 Meiso ma Yehowa makulola beisanana,
Nu matuzi mage meli bwasi kungwilila idilo lyabo.
16 Bongoa bwa Yehowa buli ku babo bakukita bubi,
Buno atukye kukengelwa kwabo mu kisi.
17 Beisanana balilile nu Yehowa ungule.
Abonezie kutuka ku mbabazio zabo insania.
18 Yehowa eli bwigi na babo beli na kabebe mu mutima,
Nu akonia beli na mitima za kwiyania.
19 Tubebe twa muntu wisanana tuli twingi,
Tondo Yehowa akumulanga mu tunsania.
20 Yehowa akulanga makwa mage mansania,
Aba limozi talyabunguke.
21 Bubi bwite mubi,
Nu bakusomba bantu beisanana basungibwe.
22 Yehowa akukulula mitima za bakiti bage,
Aba tabasungibwe bansania bakutinina kweli