Mbogimbogi za kusigililwa bwagi.
32
1 Meigisia ma Davidi. Mbogimbogi ku wozo wasigilidwe ku bwagi bwage.
Nu bwagi bwage bwakukidwe.
2 Mbogimbogi ku muntu utakuganzilwa bwagi ku Yehowa,
Nu mu mutima wage tamuli bwengelezi.
3 Nkungu zinikede kibibi makwa mane matambile
Ku kabamba ka kutonga musi unsania.
4 Kubuno musi nu kindi kuboko kwobe kwabezaga kuzitu kundi,
Magala mane masilile anga bukukamaga luuzi nkungu za kilimo. Right' Kengela bubo.
5 Nigongile bwagi bwane kuguli aba nsyabisile bwampa,
Natendile buno, nigonge bwagi bwane lwabusio lwa Yehowa,
Nu Uwe wasigilide bubi bwa bwagi bwane. Right' Kengela bubo.
6 Kubuno basililila bansania basege kuguli nkungu ziwamonekeko,
Nu gavwe mwiyalo wa mazi tawabase kwage.
7 Uli itinino lyane, wandange mu kabebe,
Wantimbe na nimbo za lonio. Right' Kengela bubo.
8 Nakwigisie nu kukulolesia nzila ziwatunganana kwenda muzo,
Nakusungule nu liso lyane likukulola.
9 Tamube anga farasi aba nyumbu ziteli na menge;
Zikukandwa na kyuma nu mizigi buno zikungwe.
10 Muntu mubi eli na tubebe twingi,
Tondo wozo ukulemanina Yehowa, mponga zikumutimba.
11 Bogazibogazi mu Yehowa, mube na kyelele beinyuwe beisanana,
Nu lalukazi na mbogimbogi beinyuwe bansania beli na mitima zisanana