Mbogimbogi za lonio.
30
1 Lwimbo lwa kuswagia numba. Lwimbo lwa Davidi. Yehowa, nakuganune kubuno wanonia,
Aba ntwasigile beiti bane kubogaboga ku kabamba kane.
2 Ee Yehowa, Kalaga wane, nalilile kuguli nu wanonezie.
3 Yehowa, wazanzwide mutima wane kutuka mu nsinda,
Wabikile kalamo kane bulazi na babo bakukoloka mu nsinda.
4 Inyuwe basililila bage, imbilazi Yehowa,
Ganunazi izina lyage lyasililila.
5 Kubuno bongoa bwage buli bwa nkungu nkeke nunse,
Mu lutundo lwage muli kalamo.
Idilo likuvwa nu kwizizia nkungu za kindi,
Tondo nindunindu nti kuseli mbogimbogi.
6 Nu natendile mu mponga bunee:
Nsyatengetenge aaba ku milyalya.
7 Ee Yehowa, mu lutundo lwobe walindizie bukota bwane na magala.
Gawambisile malanga mobe, nazangilezangile.
8 Yehowa, nalilile kuguli,
Nu nasegile ku Yehowa.
9 Mikila zane zabe na mutali mukizi kuguli ndi niswa mu nsinda?
Aba ndi bisogo byakuganune?
Byasambale kwisanana kwobe?
10 Ungwilila, ee Yehowa, nkwile kyombo,
Yehowa, ube mukasia wane.
11 Wagalukizye kabebe kane kuba meiya,
Wankungwide nsulu z'ikunino nu kumvwalikya mbogimbogi.
12 Buno mutima wane ukuganune geteli kubiba,
Ee Yehowa, Kalaga wane, nakuganune ku milyalya.