Magala m'iyuki lya Kalaga.
29
1 Lwimbo lwa Davidi. Beinyuwe bana ba Kalaga, kasazi Yehowa,
Ee, kasazi Yehowa luganuno nu magala.
2 Kasazi Yehowa luganuno lwakuka izina lyage.
Kumbaminazi Yehowa mu busoga bwitila bwa kusililila kwage.
3 Iyuki lya Yehowa lili gantata ga mazi.
Kalaga wa lutanuno akukelimia mikenzi.
Yehowa angata gantata ga mazi meingi.
4 Iyuki lya Yehowa lili na magala,
Iyuki lya Yehowa lili inene.
5 Iyuki lya Yehowa linabela miti zikumanwa mierezi,
Yehowa akubela mierezi za Lebanoni.
6 Akulengia Lebanoni anga kyana kya ngombe,
Nu Sirioni anga kyana kya mbogo.
7 Iyuki lya Yehowa likubasia ndembelela za keiya.
8 Iyuki lya Yehowa likugilimizia kalula,
Yehowa akugilimizia kalula ka Kadesi.
9 Iyuki lya Yehowa likubutia nyama za mu lubanda.
Nu likusambula lubanda.
Nu mu numba zage zisanana bansania bakutenda bunee: “Lutanuno.”
10 Yehowa akwikala gantata ga mubimbi wa mazi,
Yehowa eli mwangati ku milyalya.
11 Yehowa akase bantu bage magala,
Yehowa akase bantu bage mponga nu bubobelelo