Yehowa, Kilemanizio kyane.
26
1 Lwimbo lwa Davidi. Ee Yehowa, ndongekele,
Kubuno natabangile ku kwisanana kwane,
Nu nalemaninne Yehowa geteli kuzingazinga.
2 Yehowa, ndindike nu kungeleka,
Lindika mutima nu makengelo mane,
3 Kubuno mponga zobe zili lwabusio lwane,
Nu nkutabangaga mu bulili bwobe.
4 Nsikwikala mu musanganano wa babi,
Aba kwingila gamozi na bengelezi.
5 Nkusomba musanganano wa bantu bakukita bubi,
Nu nsikale gamozi na bantu babi.
6 Noge ku maboko mane kulolesia buno nsili na bwagi,
U bubo natimbe kasenga ka kayulo kobe, ee Yehowa,
7 Nkutenda n'iyuki lya kusima,
Nu nkusambala milimo zobe za kwangamia.
8 Yehowa, natundile kiziki kya numba zobe,
U kiziki kikwikalaga lutanuno lwobe.
9 Ntusambike mutima wane gamozi na beiya bwagi,
Aba kalamo kane gamozi na babo bakutunda kukubula mikila.
10 Nango mbi zili mu maboko mabo,
Kuboko kwabo kwa seidume kwiyala na bya bwengelezi.
11 Tondo natabange ku kwisanana kwane,
Nkulule nu unkwile kyombo.
12 Kugulu kwane kwemana ga kiziki kisanana.
Munkatini mwa musanganano nasime Yehowa