Kuganuna Kalaga ku magala mage.
21
1 Ku kalongo kanene. Lwimbo lwa Davidi. Ee Yehowa, mwangati abogeboge ku magala mobe,
Nu ku bukindi bwobe abe na kyelele kingi nunse.
2 Wazindilizizie kutunda kwa mutima wage,
Aba ntwananine masego ma milomo zage. Right' Kengela bubo.
3 Kubuno wamutanganizie na mponga nsoga,
Wabikile nkumbu za olo nsoga gantata g'itoe lyage.
4 Akusegile kalamo nu wamukasile ko.
Aaba nu bindi byingi ku milyalya na milyalya.
5 Lutanuno lwage luli lunene munkatini mwa bukindi bwobe,
Wabika lwanzo nu bwangato kweli.
6 Wamukitide buno abe na mponga ku milyalya,
Ukumubogiabogia na kyelele lwabusio lwobe.
7 Kubuno mwangati akulemanina Yehowa,
Nu ku kabamba ka lutundo lwa Wozo Wasakama Nunse, ntatengetenge nunse.
8 Kuboko kwobe kwakate beiti bobe bansania,
Kuboko kwobe kwa seidume kwakate bansania bakukusomba.
9 Wabakite kuba anga iyambi lya keiya ku nkungu za bongoa bwobe.
Yehowa abamenne ku bukali bwage, nu keiya kabalie.
10 Wite bana babo nu kubatikya mu kisi.
Nu kutikya kibuti kyabo munkatini mwa bantu.
11 Kubuno batundile kukita bubi kuguli,
Bakengede bwengelezi bubatanavwama kuzindilizia.
12 Ububo wabakite ku kwida mugongo wabo,
Nu na bunkanda bwobe wabalase na misungu ku makuba mabo.
13 Ee Yehowa, uganunwe ku magala mobe,
Nu beiswe twimbe nu kuganuna bwangato bwobe