Kusegela mukota mu nkungu za bita.
20
1 Ku kalongo kanene. Lwimbo lwa Davidi. Yehowa akwakule ku busi bwa kabebe,
Izina lya Kalaga wa Yakobo likulange.
2 Akusingile bukasia kutuka ku kiziki kyasililila,
Nu kukulindia na magala kutuka ku Sayuni.
3 Akengele tuyulo twobe tunsania,
Nu kwitabizia bisansa byobe bya kugisibwa. Right' Kengela bubo.
4 Akukase meiyanino ma mutima wobe,
Nu kuzindilizia makengelo mobe mansania.
5 Twabogeboge ku bukindi bwobe,
Ku izina lya Kalaga weitu twimike mabendela meitu,
Yehowa azindilizie masego mobe mansania.
6 Kano kaluma namenya buno Yehowa onia mubongibwa wage.
Amwakula kutukila ku meigulu mage masililila.
Na magala ma bukindi bwa kuboko kwage kwa seidume.
7 Bamozi bakukatizia tuyanga nu bango bakukatizia farasi,
Tondo beiswe twatekule tugu izina lya Yehowa, Kalaga weitu.
8 Babo beikumba nu kugoa gansi,
Tondo beiswe twazanzuka nu twemana.
9 Ee Yehowa, onia mwangati,
Twakule nkungu zitukukumana