Kalaga atinga binsania.
16
1 Lwimbo lwa Davidi. Ee Kalaga, ndange kubuno natinina kuguli.
2 Natendile Yehowa bunee: “Uli Mukota wane,
Nsili na bungo busoga kutinga bukutukaga kuguli.”
3 Kitondo kya basililila beli mu kisi,
U, babo beli basoga nunse, natananinwa nabo.
4 Tubebe twabo twatalikilwe babo bakusasia kuyanga kalaga kageni.
Nsyakasane kayulo kabo ka mikila,
Aba nsyatekule meina mabo mu kanua kane.
5 Ee Yehowa, uli bwiyani bwane nu kituma kyane kya mponga,
Ukulanga kalamo kane mu kuboko kwobe.
6 Mizigi zankasile Kalaga zikumbogiabogia,
Nakatile ntiko nsoga.
7 Naganune Yehowa wankasile iyano isoga,
Mutima wane wanigisizie mu kindi.
8 Nkubika Yehowa lwabusio lwane bindi binsania.
Nsyatengetenge kubuno eli ku seidume lyane.
9 Ku bubo mutima wane ukubogaboga nu lutanuno lwane luli na kyelele.
Aba mubili wane nu go wabobelele.
10 Kubuno ntukansiga nnenyene mu kiziki kya bakuzi,
Aba ntukaziga wasililila wobe abole.
11 Ukundolesia nzila za kalamo.
Lwabusio lwobe kuli mbogimbogi ningi,
Mu kuboko kwobe kwa seidume muli busoga bwa milyalya.