Lukita lwa wisanana.
15
1 Lwimbo lwa Davidi. Ee Yehowa, nazi omunwe mu numba zobe?
Nazi wikale munkatini mwa mwiduko wobe wasililila?
2 Muntu ukutabanga ku kwisanana, ukukita bwisanana,
Ukutenda bulili mu mutima wage.
3 Wozo utakukandika na lulami lwage.
Aba utakukitila kilemba kyage bubi;
Aba utakugamba munyage.
4 Lwabusio lwage muntu mubi akubengwa,
Tondo akwanza babo bakukua Yehowa boba.
Ntakugalukya kilumbilo kyage aba kyamubasia ku mbabazio.
5 Ntakukasana bikulo byage buno amone mutali,
Aba ntakukata bikulo bya bwengelezi buno eite uteli na bwagi.
Ukukita bitondo bibino emane milyalya.