Kikongolo akutuna Kalaga.
14
1 Ku kalongo kanene. Lwimbo lwa Davidi. Mu mutima wage kikongolo kikutenda bunee: “Takuli Kalaga.”
Beli bantu bazimizi, nu bakukita bwagi.
Takuli aba umozi ukukita busoga.
2 Mwigulu Yehowa akwinamina nu kulola bantu,
Buno amone mubeli ndi kuli mwiya menge, ukulonda Kalaga.
3 Babo bansania baziminne, bansania gamozi babede na nsese;
Takuli ukukita busoga, aba umozi.
4 Ndi bansania bakukita bwagi tabakumenya?
Bakuzikya bantu bane anga bubakulia kampampa.
Aba tabakusega Yehowa.
5 Gago bakatilwe na boba bunene,
Kubuno Kalaga eli munkatini mwa kibuti kya beisanana.
6 Mukutunda kuzimizia lwango lwa muzambi,
Tondo Yehowa eli itinino lyage.
7 Nazi ukulusagia lonio lwa Israeli kutuka Sayuni?
Gabe Yehowa asubya bakandwa ba kilongo kyage,
Yakobo abe na kyelele, nu Israeli abogeboge.