Luganuno ku Yehowa.
9
1 Ku kalongo kanene ka bya kuzumia, bikumanwa Muth-labben, bwisulilwa, “lukuo lwa mwana.” Lwimbo lwa Davidi. Ee Yehowa, nakusime na mutima wane unsania;
Nalolesie milimo zobe insania za miganogano.
2 Nabogeboge nu kukuganuna;
Nimbe ku izina lyobe, Uwe Wasakama Nunse.
3 Ku bubo beiti bane basubya kumbusa.
Bakikitanwa nu kuzimina lwabusio lwobe.
4 Kubuno wankitide lusungio nu kwisanana,
Wangatile ga kisumbi kyobe kya bukota nu kusungia ku kwisanana.
5 Wazugide baBilongo, nu witile bagi,
Wazimizie meina mabo ku milyalya na milyalya.
6 Beiti basila, kisi kyabo kyazika ku milyalya.
Wazimizie miino zabo, nu kakengelezio kazo kaziminne.
7 Tondo Yehowa akwikala ku milyalya nu milyalya.
Abikile kisumbi kyage kayikayika buno asungie.
8 Kalaga asungie kisi ku kwisanana.
Asungie baBilongo ku bulili.
9 Yehowa abe mukolo ku muntu ukubabazibwa,
Abe kiziki kyalanga kya kya magala kya muntu nkungu za bitondo bibibu.
10 Nu babo beizi izina lyobe bakulemanine.
Kubuno ntukusiga babo bakukulonda, ee Yehowa.
11 Imbilazi Yehowa ukwikalaga ku Sayuni.
Sambalazi bitondo byage binene munkatini mwa bantu.
12 Kubuno wozo ukusuba ku mikila amukengela.
Ntakwibilila idilo lya bantu batamba.
13 Ee Yehowa, nkwile kyombo;
Lola mbabazio zane zinkubabazibwa na beiti bane.
Kubuno ukuntikagia munkatini mwa nibi za lukuo.
14 Buno nisambale nganuno zobe insania
Ku nibi za bakinga ba Sayuni,
Nu nabogeboge kubuno wanonezie.
15 Bantu ba bilongo bakoloka mu muzinga u bombile,
Nu magulu mabo makatwa mu bukila bubategile bobenyene.
16 Yehowa eimenyesizie, buno azindilizie kusungia,
Nu muntu mubi akatwe mu matega maategaga wenyene. Right' Kengela bubo.
17 Bantu babi basubye ku nsinda,
Aba nu bantu ba bilongo bansania bakwibilila Kalaga.
18 Kubuno muzambi nteibililwe bindi binsania,
Aba kilemanizio kya bantu batamba takyazimine milyalya.
19 Ee Yehowa, zanzuka buno muntu ntakinde.
Bantu ba bilongo basungibwe lwabusio lwobe.
20 Ee Yehowa, beitie boba
Buno baBilongo bamenye buno beli bantu tugu. Right' Kengela bubo.