Yehowa akuganunwa ku milimo zage.
8
1 Ku kalongo kanene ka bya kuzumia bikumanwa Gittith. Lwimbo lwa Davidi. Ee Yehowa, Mukota weitu,
Izina lyobe lili na lutanuno mu kisi kinsania.
Wabikile lutanuno lwobe gantata ga meigulu.
2 Mu tunua twa bilelezi nu bana bakumoma wimikile magala,
Ku kabamba ka babo bakulwana nobe.
Buno ubibye beiti nu wozo ukulonda kwisuba.
3 Ndi nalola meigulu mobe, mulimo wakitilwe na minwe zobe,
Mwezi nu nkeninkeni ziwakakizizie,
4 Muntu eli nazi buno umukengele?
Nu mwana wa muntu buno umulole?
5 Kubuno wamubikile kunsi kwa banzelo ku nkungu nkeke,
Wamuvwalikizie nkumbu za lutanuno nu lwanzo;
6 Wamubikile mwangati wa milimo za maboko mobe,
Wabikile binsania kunsi kwa magulu mage.
7 Mikoko nu ngombe insania,
Aba nu nyama za mu lubanda;
8 Tuzoni twa mpelela, nu byena bya kitatenge,
Nu kinsania kikwenda mu nzila za kitatenge.
9 Ee Yehowa, Mukota weitu,
Izina lyobe lili na lutanuno mu kisi kinsania!