Masego ma wisanana ukusungibwa.
7
1 Idilo lya Davidi. Lwimbo lwa kuganuna lwimbile Davidi ku kabamba ka Kushi muBenjamina. Ee Yehowa, Kalaga wane, natinina kuguli,
Nsungile na basombi bane bansania, nu kunonia,
2 Tabannate anga kimbwe,
Nu kunkeka byindi byindi nu takuli wannonie.
3 Ee Yehowa, Kalaga wane, ndi nakitile kitondo kikino:
Ndi bwagi buli mu maboko mane;
4 Ndi nasubye bubi ku busoga ku wozo ukwikalaga na nne na bubobelelo;
Nu ndi nibila watundaga kunita geteli kabamba.
5 Kasi mwiti wane anyange nu kunsanga,
Anyante kalamo kane
Nu kuzimizia lutanuno lwane nunse. Right' Kengela bubo.
6 Ee Yehowa, zanzuka na bongoa bwobe.
Yuka Uwenyene ku kabamba ka bongoa bwa beiti bane,
Yuka ku kabamba kane, Uwe wakakizizie lusungio.
7 Nu musanganano wa bilongo ukutimbe,
Nu ikala nu kwangata gantata gabo.
8 Yehowa akasungia musanganano wa bantu.
Ee Yehowa, nsungie geigezye kwisanana kwane
Geigezye bulili bwane, ee Wasakama Nunse.
9 Bwagi bwa bantu babi busile, tondo beisanana bemane.
Kubuno Kalaga akulindika mitima nu makengelo ma beisanana.
10 Ngabo zane zili ku Kalaga Wasakama Nunse,
Ukonia beiya mitima zisanana.
11 Kalaga eli Ngatu wisanana.
Kalaga eli na bongoa na bagi busi na busi.
12 Ndi mwagi ntakugaluka, Kalaga ayikile mwene wage wa nganda,
Nu akumbe bunta bwage nu kububika kayikayika.
13 Akwidongekela bya bita;
Akita misungu zage kuba za keiya.
14 Lola, nazi uli na lubaba lwa bubi?
Nazi uli na makengelo ma kubiga, nu kutenda buza?
15 Umbile muzinga mulazi,
Nu kukoloka mugo.
16 Bubi bwasubye gantata g'itoe lyage wenyene,
Nu bukali bwage bwamukolokela gantata g'itoe.
17 Nasime Yehowa ku kabamba ka kwisanana kwage,
Nimbile izina lya Yehowa, Wozo Wasakama Nunse.