Masego ma musambi.
6
1 Ku kalongo kanene. Gamozi na bindanda bya misinge kinana. Lwimbo lwa Davidi. Ee Yehowa, ntunzugile na bongoa bwobe,
Aba ntusungie na lusungio lwobe.
2 Nkwile kyombo, ee Yehowa, kubuno nsili na magala,
Nnonie, ee Yehowa, kubuno makwa mane matamba.
3 Mutima wane ukuzangazanga nunse;
Ee Yehowa, nu uwe aaba nu ku nkungu nkizi?
4 Ee Yehowa, subya nu wonie mutima wane,
Unnonie mu kyombo kyobe.
5 Kubuno munkatini mwa bakuzi takuli ukukukengela,
Nu nazi wakuganune mu nsinda?
6 Nakutwa ku kutonga kwane;
Kindi na kindi nkutogia bisozi ga mugu wane,
Byakwiyombekela byane nkubinunia na bisozi byane.
7 Liso lyane talikumona ku kabamba ka kabebe kane,
Nu lyakunguka ku kabamba ka beiti bane.
8 Inyuwe bakiti bansania ba bwagi, tukazi,
Kubuno Yehowa ungule ku idilo lyane.
9 Yehowa ungule masego mane,
Yehowa eitabizia masego mane.
10 Beiti bane bansania bakue na nsoni nu kuzangazanga nunse,
Basubye kumbusa nu kumona nsoni kitangalabesi.