Masego ma nindunindu
5
1 Ku kalongo kanene. Gamozi na bindanda. Lwimbo lwa Davidi. Ee Yehowa, ungwilila iyuki lyane,
Nu kumenya makengelo mane.
2 Ungwilila iyuki lilyo lyane, Mwangati wane nu Kalaga wane;
Kubuno nkusega kuguli.
3 Ee Yehowa, nindunindu wungwe ku iyuki lyane
Nindunindu nalongeke masego mane nu kulemanina kuguli.
4 Kubuno ntuli Kalaga ukutunda bwagi;
Mwagi ntabe na kiziki kwobe.
5 Beiya lwikotio tabakemana lwabusio lwa meiso mobe;
Ukusomba bakiti bansania ba bwagi.
6 Wite babo bakweka buza;
Yehowa akusomba mwiti nu mwengelezi.
7 Tondo nne ningile mu numba zobe ku bwingi bwa busoga bwobe,
Nakukumbamine ku lulenge lwa numba zobe z'ikumbamino zasililila.
8 Ee Yehowa, nsondelezie ku kwisanana kwobe ku kabamba ka beiti bane,
Isia nzila zobe lwabusio lwane.
9 Kubuno mu tunua twabo tamuli bukatizio,
Mitima zabo ziyala na bwiti.
Myego zabo zili nsinda zili bwasi.
Ndami zabo zili na bwengelezi.
10 Ee Kalaga, basungie ku bwagi bwabo,
Bakindwe mu nango zabo!
Beimbie ku kabamba ka bwagi bwabo bwingi,
Kubuno bakukunana.
11 Tondo bansania bakukulemanina babogeboge,
Balaluke na mbogimbogi bindi binsania,
Kubuno ukubalanga.
Babo bakukutunda babogeboge.
12 Kubuno wabike mponga ku muntu wisanana,
Ee Yehowa, busoga bwobe bwamutimbe anga ngabo.