Miganogano za nyama zikulolesia magala ma Kalaga
39
1 Nu atendile lingo bunee: “Ndi wizi nkungu za kubuta kwa mpene za mu tulimba? Aba unavwama kutenda nkungu za kubuta kwa mubale? 2 Ndi unaganza myezi za meimi mabo, nu bindi byabo byakubuta? 3 Zikwikonka gansi nkungu za kubuta, nu mbabazio zabo zasila. 4 Byana byabo bikukula na magala mu lubanda, bikwenda nu tabikusubya lingo. 5 Nazi wasigile mpunda za mu lubanda ziyendele, aba kuzikandula mizigi zage? 6 Nazikasile kalula kwikala muko, nu kutimbatimba mu kisi kya munkange. 7 Zikuseka kazege ka mwino, nu tazikungwa kuzuga kwa mulangi. 8 Nkangamo za miduko u lulilo lwage, kulonda bisugu binsania bibisi.
9 Ndi mbogo zinakukitila mulimo, aba kwiyombeka mu mukumba wobe? 10 Ndi unavwama kuzikanda na muzigi, aba ndi zinalima mu isoa kumbusa kobe? 11 Ndi ukuzilemanina ku magala mazo manene, aba kuzisiga kukita mulimo wobe mubibu? 12 Ndi ukazilemanina buno zinatubula matubulo mobe, nu kukundamania ngano ga mulungu wa kususulila?
13 Byupi bya mbuni bikuzibogiabogia, tondo ndi binalingimana na byupi bya tungo tuzoni? 14 Akutela mongu mage gansi, buno muzuzo wa misege umazuzie. 15 Ntakumenya buno embe kugulu kunamabugia, aba buno nyama za mu lubanda zinamanyanta. 16 Akukitila byana byage anga bageni, nu ntakumona ku mutali wa mulimo wage. 17 Kubuno Kalaga azibumbile geteli menge, nu ntazikasile bumenyinino. 18 Kungwa zikwenda lubilo, nti zikusasia kutinga farasi nu wozo ukwenda ga zo.
19 Ndi uwe u wakasile farasi magala, nu kuzibika myoza milazi g'ikosi? 20 Ndi wazibikile kwitoloka anga mande, nu kwitia bantu boba na kuzuga kwa zo? 21 Zikutalatala mu mpinga nu kubogelabogela magala mage, zikwingila mu kiziki kya masumo. 22 Zikwililika boba nu tazikukua kyampa boba, nu tazikutina bupanga. 23 Tukunda twa misungu tukwenda twamuzumanina, nu masumo nu myene zikukelima mu mpege zage. 24 Ku kabamba ka bukali nu bongoa zikwenda lubilo, kungwa zungwa ku monze tazikuvwama kulindila. 25 Kungwa myonze zikwidwa nti farasi zise zalaluka, zikungwa ku iyugo lya bita tazibasa ku byo, zikungwa ku kulaluka kwa bakota ba bakoloboyo bakubakakizia.
26 Ndi lukozi lukulenga ku menge mobe, aba kulambya byupi nu kulenga ku lulenge lwa kwidume? 27 Ndi ndiu zikulenga ku ikakizio lyobe, nu kubika kizumba kyage ku kiziki kyasakama? 28 Zikubika kizumba kyage gantata ga makozi masakama, nu zikwikala gantata ga miduko gatanabaswa. 29 Kutuka gago zikulonda idia lyage, meiso mazo makali makumona kulazi. 30 Byana byazo bikulia mikila, na geli kitumba, nu byo nti biligo.”