Nango za Kalaga zili za bulili
35
1 Nu Elihu atendile lingo bunee: 2 “Ndi ukukengela buli bwisanana kutenda bunee: ‘Nili wisanana lwabusio lwa Kalaga?’ 3 Wabuzizie bunee: ‘Nili na mutali mukizi? Ndi ninamona mutali geteli kwaga?’ 4 Nkukwakula, nu bilemba byobe gamozi. 5 Galamina kwigulu, nu lola ku bimpa byasakama kukutinga. 6 Ndi wakita mibi, bunazimizizia Kalaga kikizi? Ndi watalikila mibi ku mibi nti bukumukitila kikizi? 7 Ndi wisanana unamukasa kikizi? Aba anakata kikizi kikutuka mu maboko mobe? 8 Mibi zobe zikubabazia banyobe tugu, nu kwisanana kobe kukubakasia bobenyene.
9 Ku kabamba ka mbabazio ningi bakulila, nu bakulilila kukasibwa ku kabamba ka bukali bwa bakota babo. 10 Tondo takuli wampa ukutenda bunee: ‘Kuni kuli Kalaga mubumbi wane ukukasanaga nimbo mu kindi, 11 ukutwigisia menge kutinga nyama za kisi, Nu kutukasa bumenyinino kutinga tuzoni twa mu mpelela?’
12 Bantu bakulila, tondo ntakubakula, ku kitondo kya lwikotio lwa bantu babi. 13 Lebelebe Kalaga ntongwilile ku bitondo byabo bya buliabulia, aba Mwiya Mayombo ntabilole. 14 Aba ndi ukutenda buno ntukumumonako, nti bwisanana bwage buli lwabusio lwobe, nu watunganana kumulindila! 15 Nu kano kaluma kubuno Kalaga ntakusungia mu bongoa, aba ntakulola ku bubi bwabo, 16 ububo moki ma Yobu meli buliabulia; akutalikila moki geteli bumenyinino.”