Yobu akubika bitondo byage ku Kalaga
23
1 Yobu akwide lingo bunee: 2 “Aaba nu lelo kulila kwane takwatananizia, nu kutonga kwane takukusila. 3 Songo ninamenya kweli, nu nzila za kubasa kweli. 4 Ninamulolesizie bitondo byane, nu myango zane insania. 5 Ninamenya kwakula kwage, nu kungwilila ku binsania byatende. 6 Ndi anenda myango na nne? Kilo, tondo anannungwilila. 7 Gago beiya bulili banavwamine kwakulana nage, bubo ninavwamine kusigililwa na ntenzi zane ku milyalya. 8 Tondo nkwenda lwabusio, nti Kalaga nteliko, aba nkusubya kumbusa, nti nsikumumonako. 9 Ndi nenda ku lulenge lwa kwikazi, nti nsikumumonako, ndi nenda ku lwa kwidume, nti nteliko. 10 Tondo eizi nzila zane, gaasila kundindika, nabe wasililila anga olo zengibwa na keiya.
11 Nkuyanga nzila zaansombolede kankanka, nsikutimba mu nzila zage. 12 Nkwanzaga makakizio ma Kalaga bindi binsania, nu nkulanga moki mage ma kanua kage kutinga idia lyane lya busi na busi. 13 Ta umozi ukuvwamaga kumugalukya, aba akukita kinsania kyakutunda. 14 Asililizie binsania byandongekede, nu akulongeka nango ningi anga bwakutunda. 15 Ububo nkukua boba ndi nakengela bubuno bunsania, nti nkumukua boba. 16 Kalaga akutambia mutima wane, Mwiya Mayombo akunitia boba. 17 Tondo kapilo takakunzangianzangia, aba mwizi ukunkukila.”