Beikala mu Yerusalema nu mu ingo miino
11
1 Bangati ba bantu beikede mu Yerusalema; babo basigede basombwede umozi ku lilyo ikumi buno eikale mu Yerusalema, mwino wasililila, nu babo bango mubula beikale mu miino zabo. 2 Nu bantu basimine babo beitabizizie kwenda kwikala mu Yerusalema ku lutundo lwabo. 3 Babano beli bakota banene ba miino za bakota beikalaga ku Yerusalema, tondo baIsraeli u basankoga, nu baLawi, nu bakiti ba mu numba za Kalaga, nu ba mu bibuti bya bakiti ba Solomono beikede mu miino za baYuda, nawe nawe mu bwiyani bwage mu mwino wage.
4 Nu bango baYuda nu baBenjamina beikede mu Yerusalema. Ku baYuda, Ataya mwana wa Uzia, mwana wa Zekaria, mwana wa Amaria, mwana wa Sefatia, mwana wa Mahalaleli, wa mu kibuti kya Perezi; 5 nu Maseya, mwana wa Baruku, mwana wa Koli-Hoze, mwana wa Hazaya, mwana wa Adaya, mwana wa Yoyaribu, mwana wa Zekaria, wa mu kibuti kya Sela.
6 Babo bansania ba kibuti kya Perezi beikalaga mu Yerusalema u mapuka, babezaga bamulume nkama inazi, makumi mutuba nu kinana.
7 Nu babo ba kibuti kya Benjamina: Salu, mwana wa Mesulamu, mwana wa Yoedi, mwana wa Pedaya, mwana wa Kolaya, mwana wa Maseya, mwana wa Itieli, mwana wa Yesaya. 8 nu banyage, Gabayi nu Salayi; bansania gamozi bamulume nkama mubula nu makumi mabili nu kinana. 9 Nu Yoeli mwana wa Sikiri abezaga mwemanizi wabo, nu Yuda mwana wa Hasenua abezaga mwangati wa kibe kya bibili kya mwino.
10 Nu ku basankoga: Yedaya mwana wa Yoyaribu nu Yakini 11 nu Seraya mwana wa Hilkia, mwana wa Mesulamu, mwana wa Zadoki, mwana wa Merayoti, mwana wa Ahitubu mwangati wa numba za Kalaga, 12 nu banyabo u bakiti ba numba, u bamulume nkama kinana nu makumi mabili nu babili; Adaya mwana wa Yerohamu, mwana wa Pelalia, mwana wa Amuzi, mwana wa Zekaria, mwana wa Pasuri, mwana wa Malkiya, 13 nu banyage, u bakulu ba kikanga nkama ibili nu makumi manazi nu babili; nu Amasayi mwana wa Azareli, mwana wa Azayi, mwana wa Mesilemoti, mwana wa Imeri, 14 nu mibuto zabo mapuka nu beiya bwangato, u bamulume lukama nu makumi mabili nu kinana. Nu mwemanizi wabo abezaga Zabdieli mwana wa Hagedolimu.
15 Nu ku baLawi: Semaya mwana wa Hasubu, mwana wa Azirikamu, mwana wa Hasabia, mwana wa Buni, 16 nu Sabetayi nu Yozabadi, u bemanizi babili ba baLawi basondelezagia mulimo wa kumbuga kwa numba za Kalaga; 17 nu Matania mwana wa Mika, mwana wa Zabudi mwana wa Asafu, wabezaga wa kulinga kuganuna nu kusega, nu Bakubukia, wa babili munkatini mwa mibuto zage, nu Abuda mwana wa Samua, mwana wa Galali, mwana wa Yedutuni. 18 BaLawi bansania babezaga mu mwino wasililila babezaga nkama ibili nu makumi kinana nu banazi.
19 Nu ku balangi ba nibi, u Akubu, nu Talmoni, nu mibuto zabo, balangaga nibi za mikolo, babezaga lukama nu makumi mutubakamo nu babili.
20 Basigede ku baIsraeli, gamozi na basankoga nu baLawi, beikede mu miino insania za Yuda na muntu na muntu mu bwiyani bwage. 21 Tondo bakiti ba mu numba za Kalaga babezaga beikede ku Ofeli: nu Ziha, nu Gisipa babezaga bemanizi babo. 22 Lingo mwemanizi wa baLawi mu Yerusalema abezaga Uzi, mwana wa Bani, mwana wa Hasabia, mwana wa Matania, mwana wa Mika, umozi wa ku kibuti kya Asafu, u beimbi ku misanganano za numba za Kalaga. 23 Nu beimbi babezaga kunsi kwa makakizio ma mukota, nu mabasondelezizie ku milimo zabo busi na busi.
24 Nu Petahia mwana wa Mesezabeli, wa bana ba Zera mwana wa Yuda, abezaga mukasia wa mukota ku bitondo binsania bya bantu. 25 Ku bitondo bya miino mikeke nu masoa, nu bamozi ku bana ba Yuda beikede mu Kiriati-Arba nu miino mikeke zago, nu mu Diboni nu miino mikeke zago, nu mu Yekabuseli nu mu miino mikeke zago, 26 nu mu Yesua, nu mu Molada, nu mu Beti-Peleti; 27 nu mu Hazari-Suali, nu mu Beri-Seba, nu miino mikeke zago 28 nu mu Ziklagi, nu mu Mekona nu mu miino mikeke zago 29 nu mu Eni-Rimoni, nu mu Zora, nu mu Yarmuti; 30 nu mu Zanoa, nu mu Adulamu, nu miino mikeke zago nu mu Lakisi, nu masoa mage, nu mu Azeka nu miino mikeke zago. Beikede mu kisi kinsania kutuka ku Beri-Seba aaba nu ku mpinga za Hinomu.
31 Bana ba Benjamina beikede ku Geba, nu ku Mikimasi nu ku Aya, nu ku Beteli nu ku miino mikeke zago 32 nu ku Anatoti, nu ku Nobu, nu ku Anania; 33 nu ku Hazori, nu ku Rama, nu ku Gitaimu, 34 nu ku Hadidi, nu ku Zeboimu, nu ku Nebalati; 35 nu ku Lodi, nu ku Ono, nu mu kibitabita kya bakulumizi.
36 BaLawi bamozi beikede mu Yuda, nu bango mu Benjamina.