Kubikwa kwa balangi ba Yerusalema
7
1 Gatozile kitutu, nabikile nibi nu balangi ba nibi, nu beimbi nu baLawi bakasilwe mulimo wabo. 2 Nakakizizie buno Hanani mubuto wane, nu Hanania mukota ku numba za ngabo, babe balangi ba Yerusalema, kubuno abezaga mukatizia nu wa kukua Kalaga boba kutinga bango bantu bansania. 3 Nabatendile bunee: “Nibi za Yerusalema tazikandulwe ndi musi tagusanuka, tondo zikandwe mu nkungu z'igolo. Bantu bamozi ba ku Yerusalema babe balangi ba mwino, nu bango kulanga numba nnene, nu bango kulanga lwabusio lwa numba zabo.” 4 Mwino wabezaga munene, tondo bantu tababezaga beingi mugo, nu numba tazobakilwe. 5 Nu Kalaga wane abikile mu kalenganio kane buno nikundamanie bakulu nu bangati nu bantu, nu kusanza bibuti byabo. Namonine ku mukanda wa bibuti bibyo byalingile kuvwa, namonine basanzwa mugo:
6 Babano beli bantu ba mwino munene batukile ku bukobe bubabezagako, ku Nebukadneza, mukota wa Babeli, basubizie ku Yerusalema nu ku Yuda, muntu na muntu ku mwino wage. 7 Basubizie gamozi na Zerubabeli, nu Yesua, nu Nehemia, nu Azaria, nu Ramia, nu Nahamani, nu Mordekayi, nu Bilsani, nu Misipereti, nu Bigwayi, nu Nehumu, nu Bana, mamano meli maganzo ma bamulume ba Israeli: 8 Kibuti kya Parosi, u bamulume tununu tubili nu lukama nu makumi mutubakamo nu babili (2.172); 9 Kibuti kya Sefatia, u bamulume nkama isatu nu makumi mutubakamo nu babili; 10 kibuti kya Ara, u bamulume nkama mutuba nu makumi matano nu babili; 11 kibuti kya Pahati-Moabu, u ba bana ba Yesua nu Yoabu, u bamulume tununu tubili nu nkama kinana nu ikumi nu kinana (2.818); 12 kibuti kya Elamu, u bamulume kanunu nu nkama ibili nu makumi matano nu banazi (1.254); 13 kibuti kya Zatu, u bamulume nkama kinana nu makumi manazi nu batano; 14 kibuti kya Zakayi, u bamulume nkama mutubakamo nu makumi mutuba; 15 kibuti kya Binui, u bamulume nkama mutuba nu makumi manazi nu kinana; 16 kibuti kya Bebayi, u bamulume nkama mutuba nu makumi mabili nu kinana; 17 kibuti kya Azgadi, u bamulume tununu tubili nu nkama isatu nu makumi mabili nu babili (2.322); 18 kibuti kya Adonikamu, u bamulume nkama mutuba nu makumi mutuba nu mutubakamo; 19 kibuti kya Bigwayi, u bamulume tununu tubili nu makumi mutuba nu mutubakamo (2.067); 20 kibuti kya Adini, u bamulume nkama mutuba nu makumi matano nu batano; 21 kibuti kya Ateri, ba kikanga kya Hezekia, u bamulume makumi mubula nu kinana; 22 kibuti kya Hasumu, u bamulume nkama isatu nu makumi mabili nu kinana; 23 kibuti kya Besayi, u bamulume nkama isatu nu makumi mabili nu banazi; 24 kibuti kya Harifu, u bamulume lukama nu ikumi nu babili; 25 kibuti kya Gibeoni, u bamulume makumi mubula nu batano; 26 Bantu ba ku Betelehemu nu ku Netofa, u bamulume lukama nu makumi kinana nu kinana; 27 Bantu ba ku Anatoti, u bamulume lukama nu makumi mabili nu kinana; 28 Bantu ba ku Beti-Azimaweti, u bamulume makumi manazi nu mabili; 29 Bantu ba ku Kiriati-Yearimu, nu ku Kefira, nu ku Beroti, u bamulume nkama mutubakamo nu makumi manazi nu basatu. 30 Bantu ba ku Rama nu ku Geba, u bamulume nkama mubula nu makumi mabili nu umozi. 31 Bantu ba Mikimasi, u bamulume lukama nu makumi mabili nu babili; 32 Bantu ba ku Beteli nu ku Ai, u bamulume lukama nu makumi mabili nu basatu. 33 Bantu ba ku Nebo ungo, u bamulume makumi matano nu babili. 34 Bantu ba Elamu ungo, u bamulume kanunu nu nkama ibili nu makumi matano nu banazi (1.254). 35 Bantu ba ku Harimu, u bamulume nkama isatu nu makumi mabili. 36 Bantu ba ku Yeriko, u bamulume nkama isatu nu makumi manazi nu batano. 37 Bantu ba ku Lodi, nu ku Hadidi, nu ku Ono, u bamulume nkama mutubakamo nu makumi mabili nu umozi. 38 Bantu ba ku Sena, u bamulume tununu tusatu nu nkama mubula nu makumi masatu (3.930); 39 ku basankoga, kibuti kya Yedaya, mu numba za Yesua u bamulume nkama mubula nu makumi mutubakamo nu basatu; 40 ku kibuti kya Imeri, u bamulume kanunu nu makumi matano nu babili (1.052); 41 ku kibuti kya Pasuri, u bamulume kanunu nu nkama ibili nu makumi manazi nu mutubakamo (1.247); 42 ku kibuti kya Harimu, u bamulume kanunu nu ikumi nu mutubakamo (1.017); 43 nu ku baLawi, bana ba Yesua wa Kadimieli, mu numba za Hodavia, u bamulume makumi mutubakamo nu banazi; 44 nu ku beimbi, u bana ba Asafu, u bamulume lukama nu makumi manazi nu kinana; 45 nu ku balangi ba lwibi, u bibuti bya Salumu, nu bya Ateri, nu bya Talmoni, nu bya Akubu, nu bya Hatita, nu bya Sobayi, u bamulume lukama nu makumi masatu nu kinana; 46 nu ku bakiti ba mu Numba za kukumbamina bana ba Siha, nu bana ba Hasufa, nu bana ba Tabaoti; 47 nu bana ba Kerosi, nu bana ba Siaha, nu bana ba Padoni; 48 nu bana ba Lebana, nu bana ba Hagaba, nu bana ba Salmai; 49 nu bana ba Hanani, nu bana ba Gideli, nu bana ba Gahari; 50 nu bana ba Reaya, nu bana ba Resini, nu bana ba Nekoda; 51 nu bana ba Gazamu, nu bana ba Uza, nu bana ba Pasea; 52 nu bana ba Besayi, nu bana ba Munimu, nu bana ba Nefusesimu; 53 nu bana ba Bakibuki, nu bana ba Hakufa, nu bana ba Harihuri; 54 nu bana ba Basiliti, nu bana ba Mehida, nu bana ba Harsa; 55 nu bana ba Barkosi, nu bana Sisera, nu bana ba Tema; 56 nu bana ba Nezia, nu bana ba Hatifa; 57 nu ku bibuti bya bakiti ba Solomono, ku kibuti kya Sotayi, nu kibuti kya Sofereti, nu kibuti kya Perida; 58 nu kibuti kya Yala, nu kibuti kya Darkoni, nu kibuti kya Gideli; 59 nu kibuti kya Sefatia, nu kibuti kya Hatili, nu kibuti kya Pokereti-Hazebaimu nu kibuti kya Amoni; 60 Bakiti ba Numba za kukumbamina bansania nu bantu ba bakiti ba Solomono babezaga nkama isatu nu makumi mubula nu babili. 61 Babano beli babo babakamine kutuka ku Teli-Mela nu ku Teli-Harsa, nu ku Kerubu, nu ku Adoni, nu ku Imeri, tondo tabavwamine kulolesia numba za beisibo aba kibuti kyabo buno babezaga baIsraeli: 62 bana ba Delaya, nu bana ba Tobia, nu bana ba Nekoda, u bamulume nkama mutuba nu makumi manazi nu babili. 63 Nu ku basankoga: bana ba Hobaya, nu bana ba Hakosi, nu bana ba Barzilayi, wasongile umozi wa bakinga ba muGileadi, nu amaninwe ku izina lyage.
64 Babano balondile mukanda wa kibuti kyabo munkatini mwa babo baganzilwe ku bikanga, tondo takyamonekile. Ububo baganzilwe buno tabaswaga nu batikizibwe mu busankoga. 65 Nu mwangati ababwide tabalie bintu byasililila nunse, aaba nu gazanzuke sankoga uli na Urimu nu Tumimu. 66 Musanganano unsania gamozi wabezaga tununu makumi manazi nu tubili, nkama isatu nu makumi mutuba (42.360), 67 nu kutalika kubo bakiti babo nu tulemba twabo babezaga tununu mutubakamo nu nkama isatu nu makumi masatu nu mutubakamo (7.337). Nu kwabezaga beimbi ba bamulume nu ba bakikulu nkama ibili nu makumi manazi nu batano. 68 Farasi zabo zabezaga nkama mutubakamo nu makumi masatu nu mutuba, nu nyumbu zabo nkama ibili nu makumi manazi nu batano, 69 nu ngamia zabo nkama inazi nu makumi masatu nu batano, nu mpunda zabo tununu mutuba nu nkama mutubakamo nu makumi mabili (6.720).
70 Nu bango bakulu ba numba za beisibo bakasile bikulo ku mulimo wono. Wozo mwangati akasile ku isuku, dariki (bikulo bya Persia) za olo kanunu (1.000) a , nu bibungulu makumi matano, nu nsulu za basankoga nkama itano nu makumi masatu. 71 Bango bakulu ba numba za beisibo babikile ku isuku lya mulimo, dariki tununu makumi mabili (20.000) twa olo b nu mina tununu tubili nu nkama ibili (2.200) za feza c . 72 Bantu basigede bakasile dariki tununu makumi mabili nu tubili (22.000) twa olo, nu mina tununu tubili (2.000) za feza, nu nsulu za basankoga makumi mutuba nu mutubakamo. 73 Basankoga nu balangi ba nibi nu beimbi nu bakiti ba numba za Kalaga nu bango bantu beikede mu miino zabo. Mu mwezi wa mutubakamo baIsraeli beikede mu miino zabo.