Lugendo lwa Ezra ku Yerusalema
8
1 Babano u bakota ba numba za beisibo nu bibino u bibuti bya babakamine gamozi na nne kutuka ku Babeli mu bwangato bwa mukota Artasasta: 2 Ku bana ba Finehasi, u Gersomi; ku bana ba Itamari u Danieli; ku bana ba Davidi u Hatusi 3 mwana wa Sekania, ku bana ba Parosi, u Zekaria, nu gamozi nage baganzilwe bamulume lukama nu makumi matano; 4 ku bana ba Pahati-Moabu u Eliyoenayi mwana wa Zerahia gamozi nage bamulume nkama ibili; 5 ku bana ba Sekania, u mwana wa Yahazieli, gamozi nage bamulume nkama isatu; 6 ku bana ba Adini, u Ebedi mwana wa Yonatani, gamozi nage bamulume makumi matano; 7 ku bana ba Elamu, u Yesaya mwana wa Atalia gamozi na bamulume makumi mutubakamo; 8 ku bana ba Sefatia, u Zebadia mwana wa Mikaeli gamozi na bamulume makumi kinana; 9 ku bana ba Yoabu, u Obadia mwana wa Yehieli gamozi na bamulume nkama ibili nu ikumi nu kinana; 10 ku bana ba Bani, u Selomiti mwana wa Yosifia gamozi na bamulume lukama nu makumi mutuba; 11 ku bana ba Bebayi, u Zekaria mwana wa Bebayi gamozi na bamulume makumi mabili nu kinana; 12 ku bana ba Azgadi, u Yohanani mwana wa Hakatani gamozi na bamulume lukama nu ikumi; 13 ku bana ba Adonikamu, u babo babezaga ba kuzinda u Elifeleti, nu Yeueli, nu Semaya gamozi na bamulume makumi mutuba; 14 ku bana ba Bigwayi, u Utayi nu Zabudi gamozi na bamulume makumi mutubakamo. 15 Nabakundamanizie ku luuzi lukugela ku Ahava, nu twikede gago ido lya bindi bisatu; ganalolile munkatini mwa bantu nu basankoga, nsyamonine ku muLawi aba umozi. 16 Ububo nasingile bakulu kuli Eliezeri, nu Arieli, nu Semaya, nu Elnatani, nu Yaribu, nu Elnatani, nu Natani, nu Zekaria nu Mesulamu, u beigisibwa nu kuli basozi Yoyaribu, nu Elnatani. 17 Nabasingile ku muntu munene wa kiziki kya Kasifia izina lyage Ido nu mibuto zage, u bakiti ba numba za kukumbamina zabezaga ku Kasifia buno basinge kutuli bakiti kukitila ku numba za Kalaga weitu. 18 Mu mponga za Kalaga weitu bavule na muntu wa bumenyinino wa bana ba Mali mwana wa Lawi, mwana wa Israeli, u Serebia gamozi na bana bage nu mibuto zage bamulume ikumi nu kinana, 19 nu Hasabia, nu Yesaya mwana wa Merari gamozi na mibuto zage nu bana bage bamulume makumi mabili, 20 nu bakiti ba numba za Kalaga nkama ibili nu makumi mabili. Bakasilwe na Davidi nu mitonge zage buno bakite mulimo wa baLawi, nu meina mabo mansania masanzilwe. 21 Ububo nakakizizie kwikanda kulia ku luuzi lwa Ahava buno twibotye lwabusio lwa Kalaga weitu, nu kumusega nzila zeitu zisa nu za bana beitu nu bintu byeitu binsania. 22 Kubuno twakule nsoni kusega mukota kutukasa kibombo kya bakoloboyo nu babo bakwenda gantata ga farasi kutulanga mu nzila na beiti, kubuno twabwide mukota bunee: “Mponga za Kalaga weitu zili ku babo bakumulonda, tondo magala nu bongoa bwage buli kuli babo bakumusiga.” 23 Ububo twasegile ku Kalaga weitu geteli kulia, nu ongule masego meitu. 24 Ububo nabeganizie basankoga banene ikumi nu babili, Serebia, nu Hasabia, nu mibuto zabo ikumi. 25 Nabeganizie feza nu olo nu bituma nu nkaso za numba za Kalaga weitu zakasilwe na mukota nu bakazi ba nango bage nu mitonge zage insania nu za baIsraeli bansania babezaga gago. 26 Nababeganizizie ku maboko mabo talanta nkama mutuba nu makumi matano a za feza nu bituma bya feza lukama, nu talanta lukama b c 27 d e nu bituma bibili bya nsubi nsoga zikukelima, bukunza buli bumozi na olo.
28 Nu nababwide bunee: “Inyuwe muli basililila ku Yehowa, nu bituma bili byasililila; feza nu olo bili kisansa kya mutima ku Yehowa, u Kalaga wa basoinyuwe. 29 Mubilole nu kubilanga aaba nu gamwabilindike lwabusio lwa bakota ba basankoga ba baLawi nu bangati ba numba za batateiswe ba Israeli, mu Yerusalema mu masio ma numba za Yehowa.” 30 Ububo basankoga nu baLawi bakatile kyindi kya feza nu olo nu bituma kubilusia ku Yerusalema ku numba za Kalaga weitu.
31 Twatukile ku luuzi lwa Ahava ku kindi ky'ikumi nu bibili kya mwezi wa kulinga buno twende ku Yerusalema; Kalaga weitu atulangile mu nzila nu kutonia na beiti nu babo batukobede kutwita. 32 Twavule mu Yerusalema nu twikede mumo bindi bisatu. 33 Ku kindi kya binazi, byindi bya feza nu bya olo nu bituma byalindikilwe mu numba za Kalaga weitu kukaswa ku Meremoti mwana wa sankoga Uria. Nu Eleazari mwana wa Finehasi abezaga gamozi nage nu baLawi Yozabadi mwana wa Yesua, nu Naodia, mwana wa Binui. 34 Binsania byalindikilwe nu kuganzwa, nu mu nkungu zezo buzitu bwabyo bwasanzilwe. 35 Babo batukile ku bukobe bakasenne bisansa bya kugisibwa ku Kalaga wa baIsraeli: ngombe ikumi nu ibili ku baIsraeli bansania, nu bilimba bya mikoko makumi mubula nu mutuba nu byana bya mikoko makumi mutubakamo nu mutubakamo, nu bilimba bya mpene ikumi nu bibili ku kayulo ka bwagi. Binsania byabezaga kisansa kya kugisibwa ku Yehowa. 36 Nu balusizie makakizio ma mukota ku bangati bage nu bangati banene ba bingo bilongo ku lisilya lya Luuzi, nu bakasizie bantu nu numba za Kalaga.